Brigada Balaod

Gwardiya na-picturean nga natulog

Dear Atty. V,

Mangayo unta ko og legal advice unsay angay nako buhaton. Gwardiya ko naa pa unta ko two days dutyhan apan gidiretso ko og dismissal tungod na-picturan ko nga nakatulog. Ang akong pangutana Attorney, makataronganon ba nga gidiretso ko nila ug dismiss nga walay ko nila pa-explaina? Karon hinuon nga wala nakoy duty gi-textan ko nga mag-comply sa explanation kay kon dili ko ka-comply kasohan ko nila og AWOL ug i-hold nila ang akong sweldo. Salamat Attorney sa pagtubag/advice.

*****

Dear Texter,

May duha ka konsepto ang due process: substantive ug procedural. Sa substantive due process, probably makataronganon nga tangtangon ka sa trabaho, kay tiaw ba pod nang natulog kas imong duty. Kon ikaw kunoy naa sa sitwasyon sa imong mga amo, sakto ba pod na nga natulog ang gwardiya panahon sa iyang pag-duty? Bisan na man pod tingali ikaw ang amo, mo-agree ka nga tangtangon ang sa trabaho ang gwardiya nga natulog sa trabaho.

Ang ikaduhang klase sa due process mao ang procedural due process. Matod sa Supreme Court, kon na-violate ang procedural due process, apan may igong hinungdan sa pagtangtang kanimo (sa ato pa wala ma-violate ang substantive due process), ma-validate gihapon ang pagtangtang kanimo apan pabayran ka og PHP 30,000.00 isip nominal damages.

Apan sa akong tan-aw katong wala na ka pa-dutyha, wala pa ka gitangtang ato. Preventive suspension pa to. Mao nang gitagaan kag time mag-comply sa explanation. Kon dili ka mo-comply niana, mahimong dayonon gyod nila ang pag-terminate sa imo, og na-satisfy nila ang procedural due process. Kon di nila dayonon ang pag-terminate, apan wala sab ka mo-comply, mahimo kang i-discipline pod nila sa insubordination kay wala ka mo-submit og explanation ingon man absence without official leave (AWOL) kon di na ka mo-report sa opisina.

Ang akong sugyot, i-comply lang usa na ang explanation, basin diay mausab ang hunahuna sa imong kompaniya.

Hinaot nakatabang kini kanimo.

– Atty. V

*****

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.