Brigada Balaod

Ipakiha ang igsoon ug mama sa uyab pero dili ang uyab

Dear Atty. V,

Tawga lang ko sa ngalang Kaye. May boyfriend ko nga negosyante. Buotan baya ni siya Attorney, sweet, galante, ug palitan ko sa halos tanan nakong gusto. Ang ako lang gyong problema kay perti ka himabaye unya mangulata pa gyod labi na kon makasuyop siya o di ba kaha kanang motokar ang iyang gana nga pasakitan ko samtang mag-sex mi. Lain pa gyong problema kay samok kaayo ang iyang mama ug ang iyang ate. Naa man god ni mga unit sa usa ka sikat nga condo ang kompaniya nga ila sa pamilya, Attorney. Unya gitagaan man kog access sa akong uyab sa usa sa mga unit nga iya sa corpo. Kapila na nahitabo nga nag-abot mi either sa iya mama o sa iya igsoong babaye o nilang duha sa condo unya sigehan ko nila og pasakit og estorya, usahay bisag nagtan-aw ang mga tawo. May nakaingon nako nga ikiha kuno og VAWC. Mahimo bang ikiha nako sila Attorney apan dili lang iapil ang akong uyab? Salamat.

*****

Dear Kaye,

Ang VAWC o Violence Against Women and their Children gi-criminalize sa Republic Act No. 9262. Aron ang usa ka buhat masulod nga VAWC usa sa mga elemento mao nga dunay relasyon ang biktima ngadto sa perpetrator. Ang relasyon sama sa uyab o bana o ex o nag-date o dunay sexual relationship. Kon ang VAWC in conspiracy with another person, malakip ang other person bisan kon wala ang element of relationship. Apan gikinahanglan nga iapil gayod ang main perpetrator. Sa ato pa, di ka kakiha og VAWC sa mama ug ate sa imong uyab nga di nimo iapil ang imong uyab.

Besides, wala man tingaliy conspiracy with your bf dihang gipakauwan ka o giestoryahag bati sa maong mga babaye.

Hinuon makakiha ka og oral defamation o di ba kaha slander by deed against nila depende unsa gyoy ila gihimo.

Makakiha pod ka og VAWC batok sa imong boyfriend kon gustohon mo.

Hinaot nakatabang kini kanimo.

– Atty. V

*****

I-text ang inyong mga pangutanang legal sa 0916-664-7624. Ang mga text nga may saktong spelling prayoridad nga atong tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.