Brigada Balaod

Buot kuhaon ang bata kay kulatado

Dear Atty. V,

Tagoa lang ko sa ngalan alyas Ellezej. Pwede mangayo og advice sa imo Attorney? Ang ako anak ba tua sa iya papa nagdako 8 years old na siya karon. Nagbuwag mi sa iya papa katong nag-edad pa siya og 1 year. Ang ako problema Attorney kay pirmi man kulatado ako anak sa iya bag-o nga asawa. Ako unta kuhaon ang bata dili sad ihatag, yagit nasad kaayo ang bata Attorney kay pinasagdan nila. Ang bata Attorney gusto mokuyog sa ako ang problema dili lage ihatag sa amahan og apohan gidili sad nila pagpahuwam sa ako ang bata Attorney.. Kon ako kuhaon ang bata Attorney pinaagi adto sa baranggay mahimo ba kaha attorney o kon adto mi sa DSWD pila kaha amo magasto? Palihog tambagi ko Attorney.

*****

Dear Ellezej,

Wala nimo hisgoti kon kasado ba mo o dili sa amahan sa bata. Kon kasado mo, shared unta ang kustodiya ninyo sa bata, apan bisan pa sa maong sitwasyon may katungod ka sa bata.

Labi na gyod kon dili mo kasado. Matod sa atong balaod, ang anak sa ginikanan nga dili kasado sa usag-usa illegitimate, ug ang illegitimate child ang inahan ang may sole parental authority and custody. Sa ato pa, wala gayoy katungod ang iyang amahan nga pugngan ka sa pagkuha o bisan lang sa pagpakita sa bata. Samot na gyod ang mga apohan.

Mahimo kang magpatabang sa barangay pero dili man gyod na ila trabaho so ayaw kalain kon dili sila motabang. Ang tukmang opisina nga makatabang nimo mao ang Local Social Welfare Development Officer sa lungsod o dakbayan diin nahimutang ang bata. Makatabang sila sa pagpasabot sa imong ex og unsay balaod. Apan kon dili gyod ihatag sa imong ex ang bata, kinahanglan na ka modangop sa korte. Pangayo og referral sa LSWDO (local DSWD) alang sa Public Attorney’s Office (PAO) aron wala ra kay magasto. Wala ra nay bayad ang LSWDO/DSWD.

Hinaot nakatabang kini kanimo.

– Atty. V

*****

I-text ang inyong mga pangutanang legal sa 0916-664-7624. Ang mga text nga may saktong spelling prayoridad nga atong tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.