Brigada Balaod

Midawat og gamay kaayo nga settlement

Dear Atty. V,

Tawga lang ko sa ngalang Aileen. Usa ko sa mga reklamante sa labor batok sa usa ka dako nga department store. Human sa duha ka tuig kapin nga buroka, midaog mi og dul-an sa duha ka milyon, maigong tagtunga mis milyon kay upat man mi ka trabahante. Karong execution na, mi-reach out ang among former amo nga mobayad lang sila og 800,000.00 kanamong upat, balig 200,000 matag usa, apan limpyo na kay sila nay mobayad sa abogado. Dili gyod unta ko ganahan modawat sa settlement, Atty. Vince kay gamay ra man kaayo ang 200,000.00 kompara sa dul-an tunga sa milyon. Apan miinsister ang respondent nga take all or nothing ang sabot. Sa ato pa kon dili kaming upat ang modawat dili pod sila mobayad. Akong gipangutana ang among abogado miingon ra pod siya nga agad lang siya sa grupo, apan nga lagi kuno kon mag-execution proceedings pa, naa pay mga option sa NLRC procedures ang respondent nga magamit aron mas madugay pa ang pagka-recover sa 2M. Miadto pod ko sa sheriff ug miingon siya nga kon siyay pabut-on, mas maayong modawat na lang ko kay gali dunay nag-una nako nga mireklamo pod sa maong kompaniya ug hangtod atong puntoha wala pa gyod makakolekta kay nag-layering kuno ang kompaniya. Apan may miingon pod nako nga nagtinapolan ra ang sheriff. Please tambagi ko Attorney. Unsa man gyoy angay nakong buhaton? Angay ko bang dawaton na lang ang settlement? Nga gamay ra man kaayo kini, wala gani katunga? Salamat.

*****

Dear Aileen,

Daghang salamat sa imong pangutana. Generally, since duna kay abogado, dili gyod unta kita motubag sa mga pangutana sama sa imoha. Ang labing nasayod sa sitwasyon sa imong kaso ang imong abogado. Apan kay morag galibog pod ka sa pamahayag sa imong abogado, tugoti nga tubagon ko ang imong pangutana.

Sakto ang imong manlalaban nga may daghan pang proseso sa 2011 NLRC Rules of Procedure aron mapugngan o mapadugay sa inyong kaatbang ang recovery sa 2 million. Tinuod, ultimately, makakuha gyod mo niana. Kay ang imong kaatbang department store man kaha, nan naa kini mga tinda. Kaning tinda mahimong maoy i-levy sa sheriff ug ibaligya aron mabayran mo.

Apan matod mo, nagkaestorya na mo sa sheriff ug mi-disclose kanimo ang sheriff nga duna pay nag-una nimo og reklamo nga wala pa ma-satisfy ang judgment. Naka-mention ka nga dunay layering. Kaning layering usa ka technique aron matabonan ang tinuod nga tag-iya sa mga kabtangan. Pananglitan, bisan kon tinuod nabayran na sa department store ang mga gitinda sa sulod niini ug busa pwede na unta to nga makuha for execution, basin ilang gipakita sa papeles nga for consignment lang nga sa ato pa, iya pa gihapon kini sa supplier. Dili man pod kakuha ug sheriff og mga kabtangan nga dili iyaha sa respondent.

Ultimately, naa ra gyod na nimo kon dawaton ba nimo ang settlement. Estoryahe lang pod ang imong mga kauban, kay apektado pod baya sila. At the end of the day, you have to choose between a sure PHP 200,000.00 in your hands, or an unsure PHP 500,000.00. Dili na na legal question kon dili judgment sa ato risk aversion.

Hinaot nakatabang kini kanimo.

– Atty. V

*****

I-text ang inyong mga pangutanang legal sa 0916-664-7624. Ang mga text nga may saktong spelling prayoridad nga atong tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.