Brigada Balaod

Giilad sa bookkeeper

Dear Atty. V,

Tawga lang ko sa ngalang Bianca. I have a small business, Attorney, ug practicing pod sa akong profession. Sa ka-busy lagi intawon, Atty., nag-hire na lang ko og bookkeeper aron maoy moasikaso sa akong mga transaction sa BIR, Pag-Ibig, PhilHealth ug SSS. Naunsa bang pagkaunsaa, Attorney, nga wala man diay niya atimana. Nagsige lang og dawat sa ako gipadala niya nga bayad unya wala gyoy bayad-bayad ngadto sa maong mga opisina. Ang resulta perting daghana nakong gukdonon nga bayranan. Ang sa SSS pa gyod, dili ang tinuod nako nga mga trabahante ang gibutang isip empleyado, kondili ang iyang kaugalingon, iyang kapikas, ug iyang mga anak. Unsay angay nakong buhaton niini?

Salamat.

*****

Dear Bianca,

Ang una mong buhaton, aron dili na modako pa ang imong bayranan sa maong mga opisina, mao ang paggukod sa imong mga bayranan. Bayari na lang usa na, ug kon buot mong mo-recover, later na lang kiha nianang imong bookkeeper. Ipa-rectify usab nang imong mga records aron ang tinuod mong mga trabahante maoy reported employees nimo sa Social Security System (SSS).

Mahimo kang makakiha og kasong kriminal batok sa imong bookkeeper. Ang pagdawat niya og kwarta alang sa mga ahensiya sa gobyerno apan wala niya gibayad estafa.

Mahimo ka usab nga mokiha og kasong sibil batok kaniya; ang mga damages nga imong natagamtaman pwede nimong i-claim.

Hinaot nakatabang kini kanimo.

– Atty. V

*****

I-text ang inyong mga pangutanang legal sa 0916-664-7624. Ang mga text nga may saktong spelling prayoridad nga atong tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.