Brigada Balaod

Ipauli ang gikan sa Afam, kon dili i-release ang video

Dear Atty. V,

Tawga lang ko sa ngalang Michelle. Hilig ko og chat-chat og mga foreigner sa Internet, Attorney, nangyawat intawon nga makabingwit og makatabang kanako ug sa akong pamilya nga makabiya sa kalisod sa kinabuhi. Mao tong nakaila nako si George, usa ka Australian national apan didto nagpuyo sa Estados Unidos. Taudtaod pod ang among relasyon, bisan kon dako kaayo ang agwat sa among edad. Mao pa man goy pagtraynta nako niadtong 2016 dihang nagkaila mi, samtang siya padung na mag-70 niadtong panahona. Nakasuroy siya dinhi sa Pilipinas niadto gyong 2016, ug nakapalit kami og dako-dako nga luna nga gibutang lang sa akong ngalan kay dili man kuno pwede sa iyaha kay foreigner man siya. 2017 gipasugdan niya pagpatrabaho ang duha ka andanang balay sa maong luna ug napagawsan kini og tax declaration, sa ako gihapong ngalan, sa hinapos nga bahin sa 2018. Kataposan niyang pagbisita niadtong Pasko last year; schedule unta niyang mosuroy diri karong summer apan nataptan siya og COVID ug namatay.

Wala gayod kami maminyo Attorney kay kasado pa man siya didto sa U.S. ug matod niya gi-process pa ang ilang divorce papers.

Karon kay ang mga nagpailang representante sa iyang asawa buot nga buhian nako ang balay ug yuta ug ibalhin sa ngalan sa usa ka abogado diri sa Pilipinas nga ilang kontak. Buot usab nila nga iuli nako ang dul-ang singko milyones in pesos nga akong gihinay-hinay ug bank transfer gikan sa account ni George nga duna koy access ngadto sa laing account dihang na-ospital na si George niadtong Mayo. Ang nakapait niini, Attorney, kay ila kong gihulga nga kon dili nako buhaton ang gusto nilang buhaton nako, ilang i-release ang among mga sex video ni George. Aktibo man god kaayo mi ato ni George kon moari siya sa Pilipinas. Sagad mag-video gyod mi kon mag-sex mi. Duna pa gali mga video nga gitabangan ko sa iyang mga higala kay ganahan man to siya magtan-aw kanako nga lain ang ka-sex. Mga high definition baya gyod nga video, Attorney, ug klaro kaayo ang akong nawong ug mga tattoo. Sa ato pa mailhan gyod ko. Gani may 5 na sila ka video nga gi-upload sa usa ka sikat nga porn site, maayo gali kay gi-blur nila ang akong nawong ug mga tattoo. I presume nga nakuha nila ang external hard drive ni George ug may kopya sila sa halos tanang video namo.

Unsay angay nakong buhaton Attorney? Salamat.

*****

Dear Michelle,

Regardless kon may katungod ka ba o wala sa balay, yuta ug/o sa kwarta ni George, extortion kun blackmail ang ilang gihimo nga paghulga kanimo otherwise i-release nila ang video. Duol sa atong law enforcement aron matabangan ka. Sila na ang mo-coordinate sa ilang counterparts sa U.S.

Kabahin sa kwarta, tataw nga kawat to ang imong gihimo, kay wa man kay pagtugot gikan ni George. Angayan tingali nga iuli mo kadto.

Ang sa balay ug sa yuta, sa akong tan-aw, sinsero ang iyang paghatag kanimo sa maong kabtangan, apan kay kasado pa man siya, kabit ka sa pagtan-aw sa balaod. Ultimately magdepende unsa ang balaod sa state (estado) ni George kabahin sa donation to a mistress. Diri sa ato void gyod kana. Ang akong sugyot hulaton mo lang nga mag-institute sila og proper nga kaso diri.

Hinaot nakatabang kini kanimo.

– Atty. V

*****

I-text ang inyong mga pangutanang legal sa 0916-664-7624. Ang mga text nga may saktong spelling prayoridad nga atong tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.