Brigada Balaod

Nakautang sa microfinance

Dear Atty. V,

Tawga lang ko sa ngalan nga Dith. Nagproblema mi tungod sa among nautang. Sa wala pay pandemya nakautang mi sa microfinance. Pagsugod sa COVID-19 wala na gyod mi maka-data kay lagi nawad-an na mi sa among paninda kay wala man mi ikabalik sa among paninda og ginagmay kay lagi nahurot man ang among puhonan nga gamay. Karon pugson gyod mi nila sa pagpabayad. Ang ako pangutana makapugos ba gyod sila namo nga wala man gyod mi makapaninda? Ang uban namo wla pa makabalik sa trabaho. Please tabangi mi unsa among buhaton. Daghan salamat.

*****

Dear Dith,

Akong i-assume nga walay applicable provision sa inyong kontrata busa ang balaod nato ang masunod.

Niadtong Marso 25, 2020, mi-take effect ang Republic Act (R.A.) No. 11469 nga nailhan usab sa ngalan nga Bayanihan to Heal as One Act. Ubos sa Sec. 4(aa) sa maong balaod, gihatagan ang Presidente og gahom nga momando sa tanang nagpatanto, lakip na sa microfinance, sa paghatag og dili momenus 30 ka adlaw nga grace period kanus-a dili pa pabayron ang mga utangan. Ang buot ipasabot niining grace period, walay additional nga interes, fees ug uban pang charges sulod sa grace period human mi-due ang utang samtang ang dapit ubos pa sa Enhanced Community Quarantine (ECQ) o Modified ECQ. Unfortunately, bisan kon ang balaod tataw nga naghatag og gahom sa Presidente nga ilapas pa sa 30 ka adlaw ang grace period, 30 ka adlaw ra gyod ang iyang gi-impose nga grace period.

Pananglitan, ang Dakbayan sa Sugbo gipaubos sa ECQ gikan sa Mayo 1 ngadto sa 31. Kon ang imong utang mo-due unta Mayo 5, 2020, pwede ni nimo siya bayran hangtod Hunyo 4, 2020 (30 days later) nga walay additional interest, fees and charges.

Karon nga dili na ECQ o MECQ ang Dakbayan sa Sugbo, wala nay grace period ug busa makolekta na gyod sa imoha ang principal sa utang sa iyang pag-due. (Ubos sa Section 3.01 sa Implementing Rules and Regulations (IRR) of Section 4(aa) of the Bayanihan to Heal as One Act, ang interes mahimo mong bayran sulod sa nahabiling termino sa loan.)

Unfortunately, unless naa sa inyo kontrata, wala gyod kay legal nga rason nga di makabayad sa imong nautang, bisan pa man sa tinuoray naglisod ka kay wa ka kapaninda.

Hinaot nakatabang kini kanimo.

– Atty. V

*****

I-text ang inyong mga pangutanang legal sa 0916-664-7624. Ang mga text nga may saktong spelling prayoridad nga atong tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.