Brigada Balaod

Warrant sa utang

Dear Atty. V,

Atty. good PM! This is Ailyn taga Negros Oriental. Atty. pwede mo-ask lang ko. Naa mi utang Atty. nga motor, kanang motora wla pa namo maimpas sa kasa then among giprenda sa amo silingan. Karon mi-due naman sa kasa, gikuha didto sa among giprendihan ang motor. Aside from motor Atty. kay nagpa-lending man na siya, nakakuha ko og lending nga inadlaw, ug emergency nga kwarta, 20 percent na iya pa-lending. Karon mikabat na tanan Atty. ug almost 50K, with the interest, kay every month man na siya ga-interest, ug ang iya emergency is every 2 weeks gatubo og 20 percent karon mi-text siya nga palutsan mi nya og warrant. Pwede diay na Atty.? Please Attorney give me advice. Salamat Atty. ug pasensya na gyod kaayo. God bless more power to you.

*****

Dear Ailyn,

Ang warrant of arrest o mandamiento de arresto usa ka order gikan sa korte pagpadakop sa usa ka tawo aron manubag kini atubangan sa korte. Sa atong sistema sa Pilipinas, generally, sa mga criminal cases lamang dunay warrant of arrest. (Naay mga sitwasyon nga bisan dili criminal case makapagawas og warrant of arrest ang korte, apan segurado ako nga wala masulod niini ang inyo sitwasyon.)

Sa ato pa, kinahanglan mokiha og criminal case ang nagpautang nimo. Apan dili criminal case ang pagpangolekta sa utang gikan sa tawo. Sa ato pa wala gayoy basehan ang iyang pagpanghadlok nga palutsan mo og warrant. Komon kaayo kana nga panghadlok sa mga nagpautang og kwarta apan wala kanay basehan sa balaod.

Usa pa, ubos sa atong balaod, ang mga nagpautang isip negosyo kinahanglan iorganisa isip korporasyon.

Dako ra pod kaayo nang 20% nga interest every two weeks. Mao nay pahulam nga pagaba.

Hinaot nakatabang kini kanimo.

– Atty. V

*****

I-text ang inyong mga pangutanang legal sa 0916-664-7624. Ang mga text nga may saktong spelling prayoridad nga atong tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.