Brigada Balaod

Nalumos sa utang ang inahan

Dear Atty. V,

Kada adlaw ko magpaminawan sa Brigada News FM Attorney, buntag ug hapon. Mao mipadala ko nimo aning problema sa akong mama aron ako sang mahunahuna unsay angayng buhaton.

Naproblema tawon ko aning utang sa ako mama, nga 18k ug naabot og 80k. Grabe kaayo ang tigpatanto og kwarta.

Kon mobayad ka, wala gani tawon ihatag sa imo nga resibo, ug wala sad ni permit iya pagpautang kwarta diri sa amo lungsod. Palihog tawon Attorney tambagi tawon ko kon unsay maayo buhaton, nalooy na kaayo ko ni mama, dili na ganahan mokaon, ug siya magkurog-kurog hasta ako usab ani na apektahan. Dinhi na lang kutob, si Angelito ni.

*****

Dear Angelito,

Bisan kon wala nimo hisgoti unsay term kun gidugayon nianang utang sa PHP 18,000.00 nga mitubo ngadto sa PHP 80,000.00, tataw nga naghinobra na kini. Tinuod nga wala na kitay Anti-Usury Law kay ang Monetary Board gihatagan na man og gahom nga mo-set og maximum interest rates ug gitangtang nila ang maximum interest rate, apan sa daghang desisyon sa Korte Suprema giklaro gihapon nga dili mahimo ang interest rate nga “unconscionable”.

Ikaduha, ubos sa atong Lending Company Act, ang mga magpatanto og kwarta required na nga usa ka korporasyon.

Ikatulo, kon wala silay kasulatan nga dunay interest ang utang, ang principal ra gyod ang ma-recover sa nagpautang.

Ang akong sugyot ireklamo na ninyo didto sa barangay aron mahusay mo didto. Kon di mo magkasinabot sa barangay, gikinahanglan gyod mo modangop og korte.

Hinaot nakatabang kini kanimo.

– Atty. V

*****

I-text ang inyong mga pangutanang legal sa 0916-664-7624. Ang mga text nga may saktong spelling prayoridad nga atong tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.