Brigada Balaod

Giilad bahin sa yuta

Dear Atty. V,

Si Rogelio ni sa Liloan. Lima mi ka magsoon nagpuyo sa dili among yuta. Ang sabot, data-datahan namog bayad hangtod maimpas. Ang ako usa ka igsoon nanikas pagbayad. Nasuko ang tag-iyas yuta gikiha kay iya hinginlan. Ang kaso ang ako daw igsoon nag-abang ras iyang yuta. Ug karon iya na hinginlan. Unya kaming upat ka magsoon iya gipapirma ug suwat sa tag-iyas yuta nga kami sab nag-abang ra. Apan matod pas tag-iyas yuta, dili rami niya hinginlan. Kato diay among gpirmahan (blind mi) iya diay gigamit sa kaso nga kami tanan nag-abang ra. Napildi sa kaso ang ako usa ka igsoon. Ug matod pa ang amo daw gipirmahang upat ka magsoon maoy gihatagag base sa huwes. Katong suwat kinamot rato ug ako ra nagsuwat ato tanan. Ug wala mi ipatawag isip mga witness. Pwede ra diay na? Naa diay witness nga dli ipatawag? Salamat.

*****

Dear Rogelio,

Wala nimo hisgoti kon napanotaryohan ba ang inyong kasulatan nga “nag-abang” ra mo sa yuta. Sa atong Rules of Court, ang usa ka notaryadong papel publikong dokumento. Sa ato pa, ma-authenticate kini pinaagi sa testimonya sa legal custodian niini, nga mahimong ang notaryo publiko o ang in-charge sa notarial section sa Regional Trial Court (RTC).

Kon wala kato manotaryohi, private document kato ug ang pag-authenticate mahimong pinaagi sa testimonya sa usa ka tawo nga nakakita sa pag-execute niadto o sa genuineness sa inyong mga pirma.

Either way, mahimong gi-waive sa imong igsoon ang pag-question sa admissibility sa maong dokumento.

Sa ato pa, wala gyod kinahanglana ang inyong presensya sa korte. Bago na kadto sa imong igsoon nganong wala niya kamo gipatawag isip mga testigos.

By definition, ang usa ka testigos kadtong nanumpa atubangan sa huwes ug misulti didto, so walay sense ang imong pangutana nga may witness ba diay nga dili ipatawag.

Hinaot nakatabang kini kanimo.

– Atty. V

*****

I-text ang inyong mga pangutanang legal sa 0916-664-7624. Ang mga text nga may saktong spelling prayoridad nga atong tubagon dinhi sa atong lindog.

Leave a Reply

Your email address will not be published.

This site uses Akismet to reduce spam. Learn how your comment data is processed.