Brigada Balaod

Binahinay sa yuta

Dear Atty. V,

Magpatambag lang unta ko. Naay yuta ako mama ug sa iyang mga igsoon wala pa nasukod ug nabuak. Karon gusto nako motukod kaso mobabag ang ako mga iyaan kay wala pa daw masukod. Bali 600 kapin na ka square meter kada igsoon nila mama naa sila bahin nga tag 100 square meters. Pwede ba magpasukod lang ko lugar lang sa bahin ni mama kay 30k ang pasukod dili pa man sad sila motampo para pasukod.

*****

Dear Texter,

Wa nimo hisgoti kon patay na o buhi pa ang imong inahan, ug nga kinsa pa ang ubang eredero sa imong inahan in case patay na siya. Kon buhi pa siya, wala gyod kay katungod pa sa yuta. Kon patay na siya, ang imong katungod isip lamang usa sa iyang manununod.

Isip manununod sa imong inahan ug by representation sa imong inahan sa imong mga apohan, co-owner ka sa yuta. Apan ang imong pagpanag-iya sa usa ka aliquot portion lamang – sa ato pa wa pa matino kon asa dapit.

Sa imong pangutana kon makapasukod ba ka o dili og imohang porsyon, mahimo, apan dili kini maoy legal ug tinarong nga paagi. Apan mahimo kini nimong buhaton. Gali matod pa sa Supreme Court, bisag co-owner ka sa yuta, pwede nimong i-claim ang yuta to the exclusion of the other owners. Ig-abot sa panahon, maimo ra ang yuta pinaagi sa acquisitive prescription.

Apan ang tinarong gyod nga paagi mao nga kon dili kamo magkasabot kamo-kamo lang o tinabangan sa kapitan, modangop ka sa korte aron orderan ang tanang eredero nga bahinon ang yuta. Kon pugson nimong mo-claim of imong porsyon, basin later on, ang area nga napatarokan sa imong balay dili sa imoha ma-award.

Hinaot nakatabang kini kanimo.

– Atty. V

*****

I-text ang inyong mga pangutanang legal sa 0916-664-7624. Ang mga text nga may saktong spelling prayoridad nga atong tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.