Brigada Balaod

Yuta sa kanhi bana giilog sa pag-umangkon

Dear Atty. V,

Ang problema nako sa yuta sa ako bana. Kasado mi sa ako bana unya patay na siya. Giilog sa iya pag-umangkon ang yuta. Wala na kuno koy katungod sa yuta karon kay naa na koy kaipon. Sakto ba kini Attorney? Gitamnan na og saging karon ang yuta sa ako bana. Si Virginia diay ni.

*****

Dear Virginia,

Nakasal man mo ubos sa Civil Code o sa Family Code, ikaw, isip asawa, may katungod sa yuta sa imong bana. Technically, kabahin gyod na sa estate sa imong bana pagkamatay niya ang maong yuta, ug bahinon ang iyang estate sumala sa balaod.

Para ma-simplify ang atong diskusyon, ako i-presume kining mga butanga; kon naay bisan usa niini nga dili tinuod, mas maayong makigkita ka sa opisina o sa laing abogado kay mas complicated ang rules:

1. Wala moy prenuptial agreement
2. Wala siyay last will and testament
3. Wala moy laing kabtangan

Pagkamatay sa imong bana, ang iyang estate mao ang sumatotal sa iyang exclusive property ug ang iyang bahin sa inyong common property (katunga), mapa-conjugal partnership of gains man (kon nakasal mo sa wala pa ang Agosto 3, 1988) o absolute community (kon nakasal mo Agosto 3, 1988 o later).

Ang iyang estate maoy bahinon sa iyang mga sumusunod. Kon unsay ilang binahinay depende kinsa ang mga nag-exist pagkamatay niya:

SS = surviving spouse (ikaw)
LC = legitimate child sa imo bana, apil legally adopted
IC = illegitinate child sa imo bana

Kon wala siyay mga anak pagkamatay, 1/2 sa yuta imoha, 1/2 sa iyang mga igsoon.

SS + LC: bahinon ninyo sa mga LC ang yuta, tabla og partida.

SS + IC: 1/2 sa yuta imoha, 1/2 sa iyang mga igsoon.

SS + LC + IC: Matag IC kas-a iphon; ikaw kaduha; matag LC kaduha. Sumadahon ang ihap ug mao ang pagbahin. Pananglitan, 1 LC ug 1 IC: 2 + 2 + 1, so 5 ka bahin. 2/5 imoha, 2/5 sa LC, 1/5 sa IC.

Sa bisan asa niining sitwasyon, naa gyod kay interes sa yuta.

Kon mas komplikado pa ani ang sitwasyon, pakigkita og abogado.

Dili balido nga rason nga abi naa na kay laing kapuyo mawala ang imong katungod sa yuta.

Hinaot nakatabang kini kanimo.

– Atty. V

*****

I-text ang inyong mga pangutanang legal sa 0916-664-7624. Ang mga text nga may saktong spelling prayoridad nga atong tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.