Brigada Balaod

Wala tawgi aron mobalik sa trabaho

Dear Atty. V,

Mangayo ko nimo og tabang unsa amo buhaton hangtod karon wala pa ko ka-duty sa amo company. Daghan naman ang mi-duty. Naa mi kauban akong gipangutana ngano man wla pa mi pa-dutyha miana man siya amo kuno manager maoy nagbuot kinsa iya pa-dutyhon tawagan ra niya. Unfair kaayo na Atty. Taga-Lapu-Lapu ra ko wala pa-dutyha unya ang taga-Mandaue gipa-duty nila. Six months na ko walay work tawn til karon. Unsa may angay namo buhaton ani Atty.? Zenaida ni sa Lapu-Lapu City.

*****

Dear Zenaida,

Matod sa Article 316 sa Labor Code, “The bona fide suspension of the operation of a business or undertaking for a period not exceeding six (6) months, or the fulfillment (sic) by the employee of a military or civic duty shall not terminate employment. In such all cases, the employer shall reinstate the employee to his former position without loss of seniority rights if he indicates his desire to resume his work not later than one (1) month from the resumption of operations of his employer or from his relief from the military or civic duty.”

Sa ato pa, kon temporarily mi-shutdown ang kompaniya tungod sa pandemic apan karon nabalik na sila, may obligasyon sila nga mo-reinstate sa imoha kon sulod sa usa ka bulan human sa pagbalik sa operasyon mipahibawo ka nila nga gusto ka mobalik og trabaho.

Kon wala pa ka makapahibalo, nan pahibalo na karon.

Kon molapas sa unom ka bulan nga wala ka patrabahoa, constructive dismissal na kini. Kon wala silay authorized o just cause pagtangtang kanimo illegal termination na kini.

Kon di ka nila pabalikon sa trabaho, makakiha ka sa Regional Arbitration Branch sa National Labor Relations Commission.

Hinaot nakatabang kini kanimo.

– Atty. V

*****

I-text ang inyong mga pangutanang legal sa 0916-664-7624. Ang mga text nga may saktong spelling prayoridad nga atong tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.