Brigada Balaod

Bata gihikaw sa amahan

Dear Atty. V,

Mangutana lang unta ko regarding sa bata, ang bata man god kay gihikaw sa inahan. Dili niya pauslan sa amahan, dili daw niya ipaila, then ang inahan kay naa may laing katipon then magsige og away tungod sa selos, naa bay katungod ang papa paghulam sa bata Atty.? If gahi gyod ang inahan pwede ba iya ni ikiha?

*****

Dear Texter,

Wala nimo mahisgoti kon na-recognize ba sa amahan ang bata. Kon wala kini niya i-recognize (wala siya makapirma sa Certificate of Live Birth ug ang bata wala magdala sa iyang apelyido), moadto usa siya sa korte aron pagprobar nga iya kadtong anak. Mao kini gitawag nga compulsory recognition.

Tungod kay dili man kasado ang ginikanan sa bata, illegitimate ang bata. Sa atong balaod, ang illegitimate nga bata ubos sa kustodiya sa inahan. Apan wala kini magpasabot nga wala nay katungod nga moduaw ug makigkita ang amahan. Nagpabilin ang iyang visitation right nga gi-define isip right of access of the non-custodial parent.

Ang mahimo ani, duol usa kamo sa barangay basin og mahusay kamo. Kon dili kamo magkasabot didto, kinahanglan na gyod ang amahan sa bata modangop sa korte aron ilhon sa inahan sa bata ang iyang visitation right.

Hinaot nakatabang kini kanimo.

– Atty. V

*****

I-text ang inyong mga pangutanang legal sa 0916-664-7624. Ang mga text nga may saktong spelling prayoridad nga atong tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.