Brigada Balaod

Gipalayas human napaayo ang banyo

Dear Atty. V,

Tawga lang ko sa ngalang Vicente. Taga Negros gyod ko apan nanarbaho diri sa Cebu hangtod na-dismiss ko atong Hunyo kay nanirado ang kompaniya. Apan ang akong problema Attorney kabahin aning amo giabangan. Wala mi kasulatan ani. Tag 5 mil ang bulan. Ang among problema ani kay ang banyo magsige og leak. Mao to amo gireklamo sa tag-iya. Tuod man gipaayo niya. Pila lang ka semana mibalik na pod. Amo na pod gireklamo. Gipaayo na pod niya. Naguba na pod. Mireklamo mi karon kay giingnan mi kami na lay mangita og moayo.

Tuod man among napaayo. Nakagasto mig mga tres mil. Pagpanukot niya amo giingnan nga dapat 2 thousand ra amo ibayad kay migasto god mi og 3 thousand. Di siya mosugot og palayason mi karon tapos sa bulan. Unsaon man ni namo Attorney nga wa man mi kabalhinan? Di ba sakto mi nga 2 mil na lay amo ibayad? Mapugos ba ni niya pagpapahawa kon di gyod mi kabayad?

Salamat.

*****

Dear Vicente,

Kay wala man moy kasulatan, ang repairs sa inyo giabangan iya obligasyon sa nagpaabang, pinasubay sa Artikulo 1654(2) sa Civil Code.

In fact, ang last paragraph sa Article 1663 sa Civil Code nagkanayon, “If the lessor fails to make urgent repairs, the lessee, in order to avoid an imminent danger, may order the repairs at the lessor’s cost.”

Sa ato pa, obligado ang nagpaabang nga mo-absorb sa gasto sa pagpaayo. Kini pwedeng i-deduct sa inyong abangan sa iyaha.

Hinumdomi nga dili mo mapapahawa diha nga wala sa inyo kagustohan gawas na lamang kon naay order sa korte.

Ang labing maayong buhaton ninyo moadto kamo sa Kapitan sa barangay, ipatawag ang nagpaabang sa balay. Basin mahusay mo didto.

Hinaot nakatabang kini kanimo.

– Atty. V

*****

I-text ang inyong mga pangutanang legal sa 0916-664-7624. Ang mga text nga may saktong spelling prayoridad nga atong tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.