Brigada Balaod

Tukmang kaso sa bayaw

Dear Atty. V,

Atty. mangutana unta ko kon unsay pwede ikaso nako sa bayaw nako. Nanghagit siya nako unya ninggawas ko. Naka-estorya ko og tarong niya. Unya kalit ko niya gilayog unya giuwang mi sa akong maguwang. Pag-uwang aksyon siyag bunot og kutsilyo. Ningdagan ko og iya ko gigukod dala ang kutsilyo. Unsay pwede makaso ani Atty.? Daghan kaayo ko og samad gawas pa sa unod sa akong kamot nga iyang gipaak.

*****

Dear Texter,

Ang kalainan sa PHYSICAL INJURIES ug HOMICIDE/MURDER mao ang intent to kill. Kon walay intent to kill, physical injuries ra. Kon duna, at least homicide.

Sa imong sitwasyon, tataw nga dunay intent to kill. Pagdagan nimo gigukod god ka. Unya nasamdan ka. Sa ato pa gusto gyod niya nga patyon ka. Matod pa sa Supreme Court sa De Guzman v. People, G.R. No. 178512, November 26, 2014, “Intent to kill may be established through the overt and external acts and conduct of the offender before, during and after the assault, or by the nature, location and number of the wounds inflicted on the victim.”

Ang kalainan sa homicide ug murder mao nga sa murder, dunay mga qualifying circumstances sama sa treachery ug evident premeditation. Apan sa imong hisgot dili tataw nga dunay qualifying circumstances so homicide ra siya.

Ang sunod nga pangutana mao nga unsang klaseha sa homicide. Clearly, dili consummated kay buhi pa man ka. Either frustrated o attempted homicide kini.

Ang gihimong basehan sa Supreme Court pag-distinguish sa frustrated gikan sa attempted homicide mao ang kon makamatay ba ang samad kon walay medical intervention (di tambalan). Kon makamatay, frustrated homicide. Otherwise attempted. Kon dili tataw makamatay ba o dili, attempted.

Sa imong sitwasyon dili tataw nga makamatay ang samad kon dili tagaan og medical attention busa attempted homicide ang tukmang kaso.

Hinaot nakatabang kini kanimo.

– Atty. V

*****

I-text ang inyong mga pangutanang legal sa 0916-664-7624. Ang mga text nga may saktong spelling prayoridad nga atong tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.