Brigada Balaod

Gi-dismiss kay miadto sa mall pagkuha sa resulta sa rapid test

Dear Atty. V,

Mangutana lang unta ko Atty. Kabahin ni sa akong brother nga nag work isip usa ka janitor sa mall diri sa cebu under agency. During sa bulan sa nga naka-ECQ ang Cebu City, gi-rapid test siya sa company then aron makabalo siya sa resulta miadto siya sa office nila para mangayo og unsay result sa iya rapid test. Karon ang office sa mall mihatag og result nga positive siya mao to nga nagpa-swab test. Then base sa iya nga swab test na-negative na karon atty. Mi-report ni siya sa ilang agency kay mangayo unta og back to work nga authorization aron siya maka-work og balik. Karon kay gi-advisan man daw siya nga di na pabalikon og work kay ang dahilan daw nganong miadto siya sa mall nga office diin siya nag-work nga positive daw siya sa rapid test. As per sa maong HR sa agency. 5 years 6 months na iya serbisyo atty. Ang pangutana Atty. Makiangayon ba ning gibuhat sa maong HR personnel?

Please Atty. Hatagi ko og katin-awan aron dili bug-at hunahunaon nga during pandemic nga diin ang akong brother nga single pa man unta but naay senior nga ginikanan ang gisuportahan. Salamat Atty. sa imong legal nga tambag nga among madawat ug sa Brigada Newspaper ug Brigada News FM. Thanks!

*****

Dear Texter,

Dili gyod makiangayon kining gibuhat sa HR personnel.

Sa akong nasabtan sa imong text, i-terminate gyod sa trabaho ang imong igsoon. Apan ubos sa atong balaod, matangtang lamang sa trabaho ang usa ka trabahante kon dunay authorized or just causes. Sa akong tan-aw, walay authorized or just cause sa sitwasyon sa imong manghod.

Ang kinadul-an nilang mahatag nga rason mao kining gitawag nga insubordination kun pagsupak-supak. Apan wala maklaro sa imong text kon duna bay tataw nga pagdili nga moadto sila sa opisina sa mall. Unsaon pagsupak-supak kon walay kamandoan sa pagdili? Bisan pa kon duna, dili pod proportional, sa akong tan-aw, ang outright nga pag-dismiss. Kanunay nga gibalik-balik sa Korte Suprema ang prinsipyo nga kon ang mas ubos nga silot sa pagtangtang sa trabaho sufficient na, dili termination ang ipahamtang.

Ang akong isugyot, dangop mo sa Regional Arbitration Branch (RAB) sa National Labor Relations Commission (NLRC), naa sa may Red Cross building sa OsmeƱa Boulevard. Ikwestyon didto ang pagkatangtang sa trabaho.

Hinaot nakatabang kini kanimo.

– Atty. V

*****

I-text ang inyong mga pangutanang legal sa 0916-664-7624. Ang mga text nga may saktong spelling prayoridad nga atong tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.