Brigada Balaod

Naprenda ang balay

Dear Atty. V,

Si Marien ni from Bohol. Magpa-advice unta ko about sa akong cousin nga giprenda sa iyang father ang balay ug karon patay na iyang father. Ang akong ipa-advice Attorney makuha ba sa akong cousin ang balay nga giprenda man sa iyang father ang balay? Ug katong balay sa side to sa mother niya sinunod sa ginikanan.

*****

Dear Marien,

Ang prenda kon mortgage sa Iningles usa ka secondary contract. Buot ipasabot, duna kini primary contract nga mao ang contract of loan kun utang. Security kun collateral man lamang ang mortgage aron mabayran ang loan. Sa ato pa, kon mabayran ang loan, ma-dissolve ang mortgage sa balay.

Maong ako gikalibog kon mortgage kun prenda ba gyod kaha ang gisudlan sa amahan sa imong ig-agaw, kay unusual man kaayo na nga mawala sa possession sa mortgagor ang mortgaged property. Tan-awa kuno kon prenda ba gyod to ang nahitabo, o kanang gitawag nga deed of sale with option of repurchase nga gitawag usab og “prenda” o “prenda-palit” sa uban natong mga kaigsoonan. Kon mao kining klaseha sa kontrata ang gisudlan sa amahan sa imong ig-agaw, makuha lamang pagbalik ang balay sulod sa redemption period. Kon gawas na sa redemption period dili na kini mabalik pa pagbalik gawas kon mosugot ang pikas partido.

Kon tinuod gyod nga mortgage, ug wala pa ma-foreclose, pwede pa mabayran sa imong ig-agaw ang utang. Isip eredero sa iyang amahan, may katungod siya niini. Hinuon ang balay maadto sa tanang eredero, dili lang sa iya. Makapangayo siya og reimbursement sa iyang nabayad.

Kon na-foreclose na ang mortgage, naa nay redemption period nga one year gikan sa pagkarehistro didto sa Registry of Deeds sa certificate of sale. Kon milapas na ang one year dili na ma-redeem.

Hinaot nakatabang kini kanimo.

– Atty. V

*****

I-text ang inyong mga pangutanang legal sa 0916-664-7624. Ang mga text nga may saktong spelling prayoridad nga atong tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.