Brigada Balaod

Papahawaon sa gipuy-an

Dear Atty. V,

Naa koy patambagan nimo kay ang amo karon gipuy-an ang ako tatay gisugo sa iyang sister-in-law sa pagpapahawa kanamo. Unya kon dili daw mi mopahawa iyang kihaon si Tatay. Kani nga balay gipapuyo kami sa ako uncle unya amo na lang ni giayo. Karon gitagaan lang mi og 1 week kon dili mi mopahawa mosulod daw siya ug iyang gubaon ang balay. Ang yuta ani sa akoang lola nga inahan ni Tatay. Unsa man maayo buhaton ani Atty.? Ako si Lina, taga Leyte tigpaminawan ko sa Brigada News FM. Salamat daan Atty.

*****

Dear Lina,

Hinaot nga sakto ang akong sabot nga ang uncle kinsa mihatag og pagtugot kaninyo sa pagpuyo diha igsoon sa imohang amahan ug bana sa sister-in-law sa imong amahan.

Nga gitagaan mog pagtugot sa imong uyoan nga mopuyo diha nagtangag og unwritten rule nga kon mo-demand na siya nga papahawaon mo, pugos mo nga mapapahawa. Wala nimo mahisgoti giunsa nganong ang imong iyaan ang nag-demand nga papahawaon mo, pero generally dunay katungod ang asawa nga molihok para sa conjugal partnership or absolute community. Sa ato pa, balido ang iyang demanda nga papahawaon mo.

Hinuon dili mo madali og papahawa. Sa imong narration tan-aw nako builder in bad faith mo ug busa dili mo makapugos nga bayaran mo sa improvements sa balay, apan basin ma-characterize mo nga builder in good faith.

Kon magmagahi mo sa pagbiya sa balay, dili mahimo nga moadto siya ug gub-on kini. Ang angay niyang buhaton, moagi sa tukmang proseso, nga mao ang pagpatawag kaninyo sa barangay unya sundan sa pagpasaka og kaso sa korte kon di mo magkasabot sa barangay. Bisag mapildi mos korte, ang mahitabo ra sa inyo mao ang pagpahawa sa balay ug pagbayad og resonable nga abangan gikan sa pag-demang nga mopahawa mo hangtod sa aktwal nga paghawa.

Dili pod husto nga ang imong amahan ang iya ikiha. Wa man siyay ikakiha sa imong amahan.

Hinaot nakatabang kini kanimo.

– Atty. V

*****

I-text ang inyong mga pangutanang legal sa 0916-664-7624. Ang mga text nga may saktong spelling prayoridad nga atong tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.