Brigada Balaod

Naglibog sa balaod

Dear Atty. V,

Maayong adlaw kanimo Attorney. Pirme gyod kong nagsunod niining imong kolum kay daghan kaayo kog makat-onan although usahay makabantay ko naay mga topic nga maoy sige nimo ma-focus.

Retired na ko karon Attorney pero sa una plano gyod unta nakong mag-abogado, kaso napamabdosan nako ang akong trato sa kolehiyo ug naminyo kami. Maong wala ko kahumag kolehiyo ug wala gyod makatikang sa law school.

Karong retired na ko, sayon na lang unta ituon sa mga balaod kay naa na may mabasa sa Internet ug ingon man sa mga legal advice columns sama sa imoha. Ang ako lang gyong gikalibgan Attorney, kay usahay magbasa ko og desisyon sa Korte Suprema, mag-refer og balaod, apan igtan-aw nako sa balaod nga gi-refer, lahi man ang teksto. Mangutana unta ko nganong ingon ani man ni. Salamat.

*****

Dear Retired Reader,

Kon makaya sa imong budget, mas maayo gyod nga tiwason nimo ang kolehiyo (naa nay ETEEAP karon diin dili ka na kinahanglang mobalik og sulod sa pag-eskwela) ug mosulod ka og law school. Dili baya ingon ana kadako og gasto ang pagtungha sa law school. Gani niadtong akoy nagtungha, nagpaeskwela sab ko og duha ka manghod sa kolehiyo. Ang nakanindot ron kay daghan na kaayong references sa Internet ug di ka magkinahanglan mopalit og libro. (Libo ka pesos kapin ang presyo sa matag libro.)

Kabahin sa imong pangutana, tungod kana sa dynamic nature sa atong mga balaod. Magsige man god og usab sa mga balaod ang Kongreso, sumala sa unsay tan-aw nila mas makaayo nato.

Ang labi maayo mong buhaton, sabta ang desisyon sa korte unsa nga bersyon sa balaod ang ilang gi-refer. Sa ato pa kini mao ang mga bersyon sa wala pa ang petsa sa promulgasyon sa desisyon.

Mas maayo unta to kon dunay reference material nga nagpakita sa bersiyon sa balaod sa lainlaing panahon, pero AFAIK, walay ingon ana karon.

Hinaot nakatabang kini kanimo.

– Atty. V

*****

I-text ang inyong mga pangutanang legal sa 0916-664-7624. Ang mga text nga may saktong spelling prayoridad nga atong tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.