Brigada Balaod

Death benefits sa SSS member

Dear Atty. V,

Tagoa lang ko sa ngalang Editha. Anak ko sa 2nd wife sa akong amahan. Una nang namatay si Mam. Didto sa amo na-bedridden si Papa ug nagkautang-utang mi tungod sa iyang pagkasakit. Tuod man namatay gyod siya. Dihang gi-process nako ang Social Security System (SSS) sa akong amahan, nakuha nako ang funeral benefits. Apan dili mo-release sa akoa ang SSS sa death benefits kay dili daw ko qualified. Kinsa man diay ang qualified sa SSS death benefits, Attorney? Ug kon di ko qualified sa SSS death benefits, nganong gi-release man sa ako ang funeral benefits? Salamat kaayo sa imong tubag kay naglibog gyod ko ani.

*****

Dear Editha,

Ang death benefits sa SSS gi-define sa Section 13 sa Republic Act No. 11199, ang labing bag-o natong Social Security Law:

Section 13. Death Benefits. – Upon the death of a member who has paid at least thirty-six (36) monthly contributions prior to the semester of death, his primary beneficiaries shall be entitled to the monthly pension: Provided, That if he has no primary beneficiaries, his secondary beneficiaries shall be entitled to a lump sum benefit equivalent to thirty-six (36) times the monthly pension. If he has not paid the required thirty-six (36) monthly contributions, his primary or secondary beneficiaries shall be entitled to a lump sum benefit equivalent to the monthly pension times the number of monthly contributions paid to the SSS or twelve (12) times the monthly pension, whichever is higher.

Ang primary beneficiaries sa usa ka SSS member mao ang dependent spouse hangtod magminyo siya og lain, ug ang dependent children below 21 years old, o bisag 21 years old and above pero incapacitated ug magpabiling dependent. Kay patay na man ang imong inahan, nan wala na siyay labot. Kon dunay anak ang imong amahan nga mo-qualify as dependent, siya ang makadawat sa death benefits.

Kon walay primary beneficiaries, ang secondary beneficiaries maoy makadawat. Kini mao ang dependent parents sa member.

Kon walay primary ug secondary beneficiaries, ang death benefits maadto sa kon kinsa man ang nalista sa SSS records sa namatay. May uban nga motawag sa nalista sa records isip tertiary beneficiaries.

Sa ato pa, kon wala ka masulod niini (primary, secondary ug tertiary beneficiaries), dili ikawy makadawat sa death benefits.

Ang rason nga ikawy nakadawat sa funeral benefits mao nga diha sa imong kiliran namatay ang imong amahan, ug ikawy migasto sa pagpalubong kaniya. Ang funeral benefits adto gyod ihatag sa tawo nga aktuwal nga migasto sa lubong.

By the way, sa imong sitwasyon, may katungod ka nga mangayo og pro-rated reimbursement gikan sa imong mga igsoon, lakip na ang sa anak sa first wife, sa gasto nimo sa pagpaospital sa imong amahan.

Hinaot nakatabang kini kanimo.

– Atty. V

*****

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.