Brigada Balaod

Buot kuhaon ang bata

Dear Atty. V,

I’m Ronald from Toledo. Naa lang unta koy pangutana nimo Sir. Nagbuwag mi sa akong asawa Sir, pero dili mi kasado. Naa mi anak 4 years old na. Naa ba koy katungod sir nga makuha nko ang bata? Dili na man nya i-open ang bata Sir, tapos naa siya sa Camiguin. Gi-block na pod ko niya sa Facebook, ug nag-change na pod siya og sim card. Naa bay panahon Sir nga papilion ang bata og asa siya, sa amahan ba o sa inahan? Salamat kaayo.

*****

Dear Ronald,

Kay dili man mo kasado sa inahan sa imong anak, nan ang bata illegitimate child sumala sa atong balaod. Pinasubay sa balaod, ang mga illegitimate children adto sa inahan. Busa dili ka makakuha sa kustodiya sa bata, gawas na lamang kon ang korte makakita nga dunay compelling interest nga anha sa imo ang bata, pananglitan, nga buang ang inahan. Nga ang inahan duna nay kapuyo nga lain dili compelling interest.

Hinuon, dili gyod siya makapugong nga makigkita ka sa bata o mobisita niini. Kini tungod kay naa man kay visitation rights, nga mao ang right of access to the child by the non-custodial parent.

Ang akong isugyot nimo, kuhaa ang tinuod nga adres sa bata didto sa Camiguin. Unya pagpatabang sa Municipal Social Welfare and Development Officer (MSWDO) sa inyong lungsod aron ma-contact ang iyang counterpart didto sa Camiguin. Kini aron mahatagan kag schedule kanus-a pwede nimo bisitahon ang bata.

Kontraryo sa pagsabot sa kadaghanan, dili papilion ang bata inig -abot niyag siyete anyos. Hinuon tagaan og gibug-aton sa korte ang iyang opinyon asa siya nga ginikanan mokuyog.

Hinaot nakatabang kini kanimo.

– Atty. V

*****

I-text ang inyong mga pangutanang legal sa 0916-664-7624. Ang mga text nga may saktong spelling prayoridad nga atong tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.