Brigada Balaod

Mi-due ang gi-prenda

Dear Atty. V,

Mo-ask lang ko regarding sa ako mga butang nga ako gi-prenda sa pawnshop since Feb. 2, 2020 then na-expired niadtong July 2, 2020 wala na nako makuha tungod kay ECQ ang Cebu City. Then wala pa pod koy money kay wala pa ko kabalik sa ako work. Now makuha pa kaha to nako ang butang ako lang bayaran ang interes, ihatag pa na nila Atty? Si Palie ni Atty. Ang tigpaminawan sa mga programa sa Brigada News FM ug tigbasahan og Brigada Newspaper. Daghan salamat. God bless you and Brigada Atty.

*****

Dear Palie,

Under sa Sec. 3.01 sa April 1, 2020 nga Implementing Rules and Regulations (IRR) sa Department of Finance (DOF) sa Bayanihan to Heal as One Act, dunay 30-day grace period sa mga naka-prenda nga mga aytem sa mga pawnshop panahon sa enhanced community quarantine (ECQ). Sa ato pa, tagaan kag 30 diyas gikan sa Hulyo 2, 2020 aron mabayran to nimo ang imong utang nga due na pagka Hulyo 2, 2020. Dapat walay dugang nga interes.

Hinuon, ECQ ra gyod ang giingon sa IRR. Walay labot ang modified ECQ (MECQ). Pero para nako, apil ang MECQ sa ECQ. So dapat mo-apply ang IRR.

Ang labing maayong buhaton nimo, kontaka ang pawnshop ug pangutana unsa gyoy ila interpretation sa IRR.

Hinaot nakatabang kini kanimo.

– Atty. V

*****

I-text ang inyong mga pangutanang legal sa 0916-664-7624. Ang mga text nga may saktong spelling prayoridad nga atong tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.