Brigada Balaod

Abangan sa mga residential units sa Cebu City

Dear Atty. V,

Pwede mangutana? Amoa giabangan diri kay naningil sa iya abangan sa balay kay gikan pag lockdown wala paman kabalik og drive sa PUJ sa Cebu City ang akong bana. Attorney unsaon man pod namo pag-abang wala pa nakadagan ang mga jeep diha sa Cebu. Nangarga usa ako bana sa merkado Attorney para naa mi magastos pang adlaw-adlaw gagmay kaayo og kita kay bag-o paman siya nangarga wala pa siyay mga suki. Nasuko man ang tag-iya sa amoa giabangan Attorney kay wala daw mi mihatag bayad sa abangan pagdawat namo sa SAP. Salamat Attorney Vincent.

*****

Dear Texter,

Pinasubay sa DTI regulations suspended pa ang collection sa rentals sa Cebu City sa mga residential units hangtod nga ang community quarantine i-downgrade ngadto sa general community quarantine (GCQ), gawas na lamang kon mibalik nas trabaho ang nag-abang.

Wala baya mag-ingon ang regulations nga mabalik sa USUAL nga trabaho so technically since nangarga ang imong bana obligado na mo mobayad sa abangan.

Kabahin nga wala mo mobayad sa abangan pagkadawat ninyo sa assistance sa Social Amelioration Program (SAP), siya na lamang pod untag misabot nga dili man katuyoan sa SAP nga bayran ang mga abangan sa balay/lawak.

Hinaot nakatabang kini kanimo.

– Atty. V

*****

I-text ang inyong mga pangutanang legal sa 0916-664-7624. Ang mga text nga may saktong spelling prayoridad nga atong tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.