Brigada Balaod

Binahinay sa gamayng luna

Dear Atty. V,

Buot gyod kong makahibalo unsay saktong pagbahin aning 400 sq. m., more or less, nga bugtong kabilin sa among namatayng amahan. Ikaduhang pamilya mi, Attorney, lima mi ka buok magsoon. Ang unang pamilya unom sila ka buok. Patay na ang asawa sa among amahan apan wa niya pakasli ang among inahan bisan taudtaod nang patay ang iya asawa dihang nagkaila sila sa iyang inahan. Kaning yutaa sinunod ni Papa kang Lolo. Naglibog ko unsaon ni pagbahin nga kadaghan man namo, ug may katungod ba mi ani nga illegimate man mi. Salamat kaayo.

*****

Dear Texter,

Bisan mga illegitimate children mo, may katungod mo sa maong luna. Hinuon dili sama kadako sa mga legitimate children.

Sa atong balaod 2:1 ang sharing taliwala sa legitimate ug illegitimate children. Sa ato pa, ang yuta bahinon sa (6 x 2) + 5 = 17 ka bahin. Ang mga anak sa unang pamilya, tag 2/17 ang bahin; kamo sa imo mga full igsoon, tag 1/17.

Of course, dili na ni bahinonon ngadto sa 17 ka bahin ang 400 sq. m. kay impraktikal na. Ang angay ninyong buhaton, sabotan ninyo kang kinsa maadto ang yuta o ang porsyon ani nga dili impraktikal (tingali tag 50 sq. m.?). Ang katong di kadawat pagabayaran lang sa dunay nadawat, kon buot gayod nila.

Kon dunay bisan usa lang ninyo nga di makauyon ani, ang bugtong paagi moadto sa korte. Kon di gihapon mo kasumiter og plan of partition, ang mahitabo ipabaligya na sa husgado ug ang kita lamay bahinon ninyong magsuon binase sa ratio sa taas. Pwede ra pod usa sa inyong magsoon ang mopalit gikan sa korte.

Hinaot nakatabang kini kanimo.

– Atty. V

*****

I-text ang inyong mga pangutanang legal sa 0916-664-7624. Ang mga text nga may saktong spelling prayoridad nga atong tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.