Brigada Balaod

Mihangalan sa maestra nga palautang ug nawong og kwarta

Dear Atty. V,

Tawga lang ko sa ngalang Margie. Nag-atubang ko og kasong Cyber Libel karon kay ang among silingang maestra nga nakautang nako akong gi-post sa Facebook ang dagway ug ako gibutangag caption “PALAUTANG, NAWONG OG KWARTA.” Ang akong pangutana, Attorney, nganong gidawat man ni nga kaso sa prosecutor nga wala man siyay certificate to file action? Unya klaro man pod nga public person ang maestra kay public school teacher man siya so sa ato pa covered sa fair comment principle ang akong pag-post? Salamat.

*****

Dear Margie,

Una sa tanan, bisan under sa rules pwede nga motu proprio i-dismiss sa fiscal ang sumbong bisag wala pa pabawsa ang gikiha, sa akong experience panagsa ra gyod kaayo ni mahitabo. Anyway, walay obligasyon ang piskal nga mo-dimiss motu proprio sa usa ka kaso.

Ikaduha, sumala sa kapila na nato gibalik-balik dinhi sa kolum, ang krimen nga Cyber Libel dili kinahanglang moagi sa barangay mediation proceedings ubos sa Katarungang Pambarangay Law. Sa ato pa ang imong depensa nga walay Certificate to File Action walay basehan.

Ikatulo, dili necessarily public person ang usa ka tawo kay abi public school teacher siya. Sumala pa sa Korte Suprema, ang usa ka public figure kanang tawo nga pinaagi sa iyang mga naabot sa kinabuhi, kasikat, o panginabuhi, o sa pagpili og usa ka propesyon o bokasyon nga naghatag sa publiko og lehitimong interes sa iyang gipangbuhat, kahimtang, ug karakter. Sa ato pa, “public personage” o “celebrity”. (Ayer Productions Pty. Ltd. v. Capulong, G.R. Nos. 82380 and 82398, April 29, 1988)

Kon imo ni sundon nga depinisyon, tataw nga dili masulod ang usa ka public school teacher, kay wala may legitimate public interest sa kinabuhi sa usa ka yanong maestra.

Ikaupat, bisan pag public figure ang usa ka maestra, wa kiniy magpasabot nga fair comment na ang imong timang. Dili man mo-apply ang fair comment exception o defense sa timang nga walay labot sa official function o trabaho sa public figure. Unsa ba goy labot sa pagpangutang (o wa pagbayad sa utang) sa trabaho sa usa ka public school teacher?

Ang akong isugyot nimo, pangita og mas maayong depensa sa imong Cyber Libel nga nahimo.

Hinaot nakatabang kini kanimo.

– Atty. V

*****

I-text ang inyong mga pangutanang legal sa 0916-664-7624. Ang mga text nga may saktong spelling prayoridad nga atong tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.