Brigada Balaod

Fishpond sa komon nga yuta

Dear Atty. V,

Si Dondon ni. Unsa may legal nga paagi niini. Naay komon nga yuta ang akong amahan ug ang iyang mga igsoon. Iya kining gipahimong fishpond. Dako kaayo og gasto ang akong amahan niadtong fishpond. Karon nga patay na siya, gusto sa iyang mga igsoon nga i-rolling ang fishpond. Sakto ba ni o angay silang motampo sab sa negosyo? Salamat.

*****

Dear Dondon,

Kay ang imo man ang naggasto sa paghimo sa fishpond, ang fishpond iyaha sa mga manununod sa imong amahan, lakip na ka. Walay labot sa fishpond ang mga igsoon sa imong amahan.

Hinuon, obligado ang imong amahan nga mobayad unta og abang sa yuta niadtong panahon nga iya kining gigamit isip fishpond. Kon wala kini niya bayari, mapugos kamo pagbayad sa miaging lima ka tuig. Kon dili mo magkasabot pilay abang, ang korte ang mohusay.

Lahi ang pagpanag-iya sa fishpond ug pagpanag-iya sa yuta.

Kon mosugot mo, pwede kaayo nga pasudlon ninyo ang inyong mga uyoan ug iyaan isip kakomboya sa fishpond. Apan tungod kay wala man silay kontribusyon, kinahanglan mohatag silag share isip capital sa negosyo. Otherwise, unjust enrichment na alang kanila.

Hinaot nga nakatabang kini kanimo. Sa akong tan-aw, kon mopugos gyod mo sa inyong katungod ani, magkinahaay gyod mo. Maayo unta og mahusay lang mo nga walay gubot.

– Atty. V

*****

I-text ang inyong mga pangutanang legal sa 0916-664-7624. Ang mga text nga may saktong spelling prayoridad nga atong tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.