Brigada Balaod

Pulis di mosustento

Dear Atty. V,

Mangayo unta ko sa imong maayong hunahuna. Atty. naa koy anak nga napaangkan og pulis. Unya masakiton ang bata, operahanan, gani naay maintenance nga tambal. Unya ang gihatag niyang suporta P1,500 ra. Panahon og maadmit ang bata akong tawagan ang maong pulis dili gyod motubag. Teksan di gyod mo-reply. Dili ba ko makareklamo niani Atty.? Salamat, hinaot nga hatagan ko nimos imong maayong hunahuna.

*****

Dear Texter,

Matod sa Article 194 sa Family Code: Support comprises everything indispensable for sustenance, dwelling, clothing, medical attendance, education and transportation, in keeping with the financial capacity of the family. xxx

Ang may primary responsibility sa pagsustento sa usa ka bata mao ang iyang mga ginikanan. Kon pila ang sustento nga ihatag ngadto sa bata magdepende sa daghang factors, lakip na niini ang aktwal nga panginahanglan sa bata, ang kapasidad sa isigkaginikanan (timan-i nga angay usab nga mosustento ang imong anak sa imong amo), ug kinsa pa ang ubang hataganan og sustento sa gipangayoan og sustento. Kon dili magkasabot pila ang sustento, angay modangop sa korte.

That being said, considering pilay sweldo sa usa ka police officer 1 karon, para nako gamay ra kaayo nang P1,500, bisag binulan pa.

Ang mahimong buhaton sa imong anak mao ang pagpadala og sulat-sumbong ngadto sa Regional Internal Affairs Service (RIAS) sa Police Regional Office 7 diha sa Camp OsmeƱa sa Jones Ave. Maayo ni kay husayon mo didto og per experience reasonable ra pod ang mga hearing officer. Wala moy gasto.

Apan kon gamyan ra gyod mo sa nasabotan bisan pag gipatas-an sa RIAS, kinahanglan gyod mo moadto sa korte ug busa kinahanglan mo modangop og abogado. Sulayi ang Public Attorney’s Office (PAO) didto sa DA Compound sa M. Velez St., o ang Children’s Legal Bureau sa luyo sa Iglesia ni Kristo sa Mango Ave., o ang LAW Inc. sa ELDA Apartelle sa Echavez St. (duol nianang bakery nga atbang sa DOLE Bldg.)

By the way, ang angay mopadangat sa kaso on behalf sa bata ang imong anak, dili ikaw. Mao nang may katungod ang amahan sa bata nga di motubag kon ikaw ang manawag o mo-text.

Hinaot nakatabang kini kanimo.

– Atty. V

*****

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.