Brigada Balaod

Bayranan sa transportasyon

Dear Atty. V,

Naa lang unta koy pangutana Sir. Naa koy amo. Human gikuha ko sa akong amo sa amoa ug nakagasto siya og transpo nga PHP 800.00. Obligado ba ko mobayad sa transpo Sir bisan og wala mi sinabotan nga bayaran to nako? Salamat kaayo.

*****

Dear Texter,

Bisan kon walay tataw nga probisyon sa balaod kabahin kon mahimo ka bang pabayron sa plite nga gihatag sa imong amo aron makabiya ka sa inyo ug maabot sa lugar nga trabahoan, kon wala kamoy sinabotan makabayad ka ba o dili, ang akong interpretasyon sa balaod mao nga dili ka mapugos nga pabayron niini.

Una sa tanan, practice kini sa daghang mga kompaniya. Sa tuyo nga makakuha og trabahante gikan sa mga hilit nga lugar, sagad kanila willing moabaga sa galastohan pagbiya sa gipuy-an sa trabahante ug pag-adto sa pabrika o trabahoan.

Ikaduha, sa mga department order sa Department of Labor and Employment (DOLE), consistent gayod ang pagtratar sa “transportation charges” diin ang maong transportasyon incident to o necessary sa employment isip “supplement” nga sa ato extra renumeration (dugang sweldo) ngadto sa trabahante. Sa ato pa, gihatag gayod kini sa employer.

Hinuon, kini nga opinyon binase lamang sa atong interpretasyon sa balaod. Wala pa man goy naabot sa Supreme Court nga ingon ining sitwasyon sa imoha, precisely tungod sa kagagmay sa mga amount nga involved. Apan madasigon ako nga kon may kaso man nga masang-at sa Korte Suprema kabahin ning maong pangutana, ang atong interpretasyon duol-duol sa opinyon sa Supreme Court.

Kon panuktan ka sa imong amo, hangyoa lang nga mas gikinahanglan nimo ang PHP 800.00 kay sa niya. Pero most likely di na siya manukot niini.

Hinaot nakatabang kini kanimo.

– Atty. V

***

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.