Brigada Balaod

Nangabit ang asawa

Dear Atty. V,

Ask ko ba unsay pwede makaso kon ang asawa mangabit then kasado sila sa iya bana. Then naa siyay anak sa unang bana. May purohan ba nga makasohan sad siya parte sa pagbiya sa mga bata, kay mikuyog man siya sa kabit? Ask pod unta ko kon magkabuwag ang mag-asawa naa bay katungod nga manghilabot ang mga igsoon sa nahitabo nila. Thanks magpaabot ko sa imong reply.

*****

Dear Texter,

Ang babayeng minyo nga makighilawas og laing lalaki, mahimong makasohan og Adultery. Matag higayon sa pakighilawas usa ka ihap sa kasong Adultery. Ang maong kaso may silot nga prision correccional medium to maximum (2 ka tuig, 4 ka bulan ug 1 ka adlaw nga pagkabilanggo ngadto sa 6 ka tuig).

Kabahin sa pagbiya niya sa mga bata, mahimo usab siyang makasohan og Abandonment. Kini gi-define sa Article 59(1) sa Presidential Decree No. 603, ang Child and Youth Welfare Code. Ang silot niini prision mayor sa iyang minimum period, kon 6 ka tuig 1 ka adlaw ngadto sa 8 ka tuig nga pagkabilanggo, pinasubay sa Section 10(a) sa Republic Act No. 7610, ang atong Anti-Child Abuse Law.

Wala nimo giklaro unsay gipasabot nimo sa pulong “manginlabot”. Kon mosuway sa pag-uli sa inyong kabubut-on sa usag-usa, okey lang kini ug maayo gali. Apan kon magbuot-buot na sila og unsay buhaton, dili na kana mahimo.

Hinaot nakatabang kini kanimo.

– Atty. V

*****

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.