Brigada Balaod

Kabahin sa trabaho

Dear Brigada Balaod,

Mahiligon gyod ko mobasa niining imong lindog sa Brigada Newspaper. Naaghat ko pagpadala ining akong tampo kay nakabasa ko kabahin sa pangempleyo. Ani man god ni Atty. Kapin tuig na ko nagtrabaho sa usa ka stall and then sa ako pag-apply nag-estorya gyod mi sa tag-iya bahin sa benefits nga unya na lang kon modako na ang negosyo. Then sa ako side is okay lang sad ko adto nga time. But here comes the time nga ila ko gi-dismiss diha-diha. Ang ako pangutana Attorney is makataronganun ba ila gibuhat nako? Gani sa sweldo is wala na gani pay slip. Maka-question ba ko ani Atty. kalabot sa ako benefits kay wala man gyod sila naghulog maski ako Philhealth, nga miuyon man ko nga okey ra walay benefits. Unsa man ako mabuhat?

Hinaot nga imo ko matabangan. Si Jason ni sa Cebu City. More power po!

***

Dear Jason,

Unahon ta ning kabahin sa pagtangtang kanimo sa trabaho. Sumala sa atong balaod, matangtang ka lamang sa trabaho for authorized or justified causes. Apan in both cases, gikinahanglan ang two-notice rule: pagpahibawo nga tangtangon ka ug paghatag tsansa nimo nga mopasabot nganong dili ka angay tangtangon, ug ang actual nga notice sa pagtangtang gyod kanimo. Kini wala mahitabo sa imo. Busa dili makataronganon. Ang akong sugyot nga mosumbong ka sa Regional Arbitration Branch, nga naa sa OsmeƱa Boulevard sa Cebu City. Kiha og illegal termination. Kon wala kay 5-day service incentive leave matag tuig, overtime pay, ug holiday pay, iapil pod sa pagpangayo didto.

Sa imo pong benefits, nga akong nasabtan statutory benefits sama sa contributions sa Social Security System (SSS), Pag-IBIG ug PhilHealth, mahimo kang moreklamo sa tagsa-tagsang ahensya. Ang imong pag-uyon pagsugod sa trabaho nga di ka magkinahanglan ning maong mga statutory benefits walay bili kay gi-require gayod kini sila sa balaod.

Kabahin sa payslip, walay balaod nga nag-require sa imong employer nga mohatag nimong payslip.

Hinaot nakatabang kini kanimo.

– Atty. Vince

***

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.