Brigada Balaod

Harassment sa karsada

Dear Brigada Balaod,

Tawga lang ko sa ngalang Karen. Bag-o lang dunay nag-forward og video sa Facebook nga gitaytolan og “Bantayi ang mga bag-ong mangunguot” unya sa video makita nimo ang usa ka lalaki nga moduol sa babaye ug mokuot sa bilahan sa babaye, mangibot og bulbol. Dayon ipakita sa camera nga nakaibot gyod og bulbol.

Sa una man god Torney, sa didto pa kos Manila, dunay susamang nahitabo niini samtang naglakaw ko sa dalan. Naibtan gyod kog bulbol ug nakit-an nako nga gikan sa layo dunay nag-video. Nanagan dayon sila pagkahuman. Misumbong kos pulis apan walay nahitabo kay di gyod ko ka-picture out sa dagway nilang duha. Unya miingon pod ang pulis nga unjust vexation ra gyod ang makiha, uda ngadto sa 30 ka adlaw ra nga pagkapriso. Ang ako lang unta pangutana, Torney, kon nailhan pa to nako ang nanguot nako, unsa may pwede nako ikaso? Makakaso pa ba ko karon? Salamat kaayo.

**

Dear Karen,

Wala nimo hisgoti kanus-a kini nahitabo kanimo. Ang Safe Spaces Act mi-take effect niadtong Agosto 20, 2019, samtang ang Anti-Photo and Video Voyeurism Act mi-take effect ato pang 2010.

Ubos sa Safe Spaces Act (R.A. No. 11313) usa ka gender-based sexual harassment ug nasulod sa Sec. 11(c) sa maong balaod, “any touching, pinching, or brushing against the genitalia, xxx groin, xxx inner thighs xxx even when not accompanied by acts mentioned in Section 11 paragraphs (a) [catcalling ug uban pa] and (b) [offensive body gestures]”. Ang unang offense may pagkabilanggo nga 11 to 30 days ug P30,000 nga multa. Hawa pa kini sa kaso nga Unjust Vexation nga may pagkabilanggo nga 1 to 30 days, P1,000 to P40,000 nga multa o ang duha.

Ang pag-video nila maoy mas dako nga krimen. (Kay kon imo hunahunaon, mas dako pod ang damage tungod sa pagdistribute sa video.) Violation kini sa Sec. 4(a) sa R.A. No. 9995 nga may pagkabilanggo nga tulo ngadto sa pito ka tuig o multa nga P100,000 ngadto P500,000 o ang duha. Ang pagpasa-pasa sa video violation usab sa Sec. 4(c), nga may samang silot.

Sa violations sa Safe Spaces Act ug Anti-Photo and Video Voyeurism Act, maka-file pa ka karon. Sa Unjust Vexation, gawas na lamang kon nahitabo kini sa miaging duha ka bulan, prescribed na ang kaso.

Hinaot nakatabang kini kanimo.

– Atty. Vince

***

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.