Brigada Balaod

Pag-transfer sa sakyanan

Dear Brigada Balaod,

Maayong adlaw diha kanimo, Atty. Ask lang ko, about sa transfer of ownership from my brother in Canada, sa Ecosport nga mao ray naay orig nga CR. Ang problema kay taodtaod na diay nawala ang CR sa motorcycle sa diri pa siya sa Pilipinas. Okay ra ba na Atty? Okay na siya i-forge ang pirma, Atty. Nag-send siyag pics valid id nga SSS and passport. Thanks. Godbless.

***

Dear Texter,

Kon ang nagbaligya sa sakyanan o bisan unsang kabtangan nga kinahanglan irehistro tua sa gawas, may duha ka paagi aron manotaryohan ang Deed of Sale o unsa mang dokumento pagbalhin sa pagpanag-iya ngadto sa nagpalit. Ang una, adto himoon ang pagnotaryo sa gawas. Ang ikaduha, mag-isyu og Special Power of Attorney (SPA) ang nagbaligya, ug ang mopirma sa Deed of Sale diri sa Pilipinas ang iyang giisyuhan og SPA. Ang SPA kinahanglan adto sa gawas panotaryohan apan ang Deed of Sale ari ra diri kay dia ra man diri ang giisyuhan sa SPA (ang agent).

Katong sakyanan nga nawala ang Certificate of Registration (CR) kinahanglan mag-isyu og Affidavit of Loss. Kon ang ikaduhang paagi ang gamiton, kinahanglan iapil sa SPA ang gahom pag-execute sa Affidavit of Loss.

Nakahibalo ako nga may mga ubang notaryo publiko, o mga tawo nga naggamit sa ngalan sa notaryo publiko, nga monotaryo bisan pa kon wala diha sa ilang atubangan ang nagpirma sa dokumento. Apan kini violation sa 2004 Rules on Notarial Practice ug dili ako mosugyot niini.

Hinaot nakatabang kini kanimo.

– Atty. Vince

***

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.