Brigada Balaod

Sigehag bugal-bugal

Dear Brigada Balaod,

Malipayon kaayo ko nga makapangutana diay pinaagi aning inyong text line. Maayo unta og matubag usab ninyo kaning akong pangutana. Kabahin kini ning usa namo ka silingan nga halos na lang kada adlaw bugal-bugalan ko. Libat man god ko Attorney. Unya matag agi nako, pabiya man sa balay o pabalik, kon naa ning among silingan sa gawas, dayog siyaok “Uy ang libat milihok! Ang libat milakaw!” Mohilak na lang ko sa kalagot Attorney kay mosamot man hinuon og katawa kon akong tutokan. Unsa kahay angay nakong buhaton ani niya? Si Glenda diay ko.

***

Dear Glenda,

Kining iyang gibuhat, kon nakit-an sa uban, Oral Defamation (Slander) kon dunay laing nakasaksi o di ba kaha Unjust Vexation kon kamo ra. Ang akong isugyot, ireklamo kini sa barangay. Kon dili kamo magkasabot sa barangay, pangayo og Certificate to File Action (CFA) ug adto sa pulis aron matabangan ka nga mogambalay og Complaint Affidavit. Timan-i nga kinahanglan ma-file nimo ang kaso duha ka bulan human naisyu ang CFA, ug ang isyu dapat maisyu sulod usab sa duha ka bulan human nahitabo ang insidente.

Ang matag insidente sa pagbugal-bugal separate nga count sa Oral Defamation o Unjust Vexation.

May mga mo-discourage kanimo nga dili na lang kini dayonon nga kaso kay gamay ra kaayo. Apan kon ingon ani nga sigehon kag samok, mas maayo nga imo na lang gyod ning dayonon og kaso.

Hinaot nakatabang kini kanimo.

– Atty. Vince

***

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.