Brigada Balaod

Kuhaon na lang ang daog

Dear Brigada Balaod,

Naa koy pangutana. Usa ko ka seaman. Giatake ko sa barko unya nag-file ko sa NLRC sa arbiter daog ko. Sa decision 60,000 USD. Miapelar sila sa commissioner na-reverse decision 5,225 USD ila ihatag. Unya apela sad mi sa Court of Appeals mao gihapon ang decision 5,225 USD. Mi-file og motion for reconsideration ang akong abogado unya wala pay resolution. Ang ako unta Attorney, pwede ba nga ako na lang kolektahon ang 5,225 USD? Kay lisod na gyod kaayo tungod sa COVID. Salamat Attorney.

***

Dear Texter,

Una sa tanan, klaroha sa imong abogado ang inyong sunod buhaton. Nakahibalo ako nga sagad sa mga labor cases, lakip ang sama sa imo nga OFW, contingency basis, sa ato pa portion lamang sa daog ang maiya sa abogado. Basin og lainon og sabot sa imong abogado nga magbuot-buot kag desisyon.

Kon okey sa imong abogado ug okey pod sa atbang, mahimo kamong maghimo og quitclaim and waiver nga USD 5,225 na lay inyo dawaton. Apan kon dili kini okey sa pikas, kay dili man ka kapugos, maghuwat gyod ka nga ma-final ang decision sa kaso ug ma-execute sa Sheriff sa Labor Arbiter. Sa ato pa, maghuwat ka nga ma-resolve to ang inyo motion for reconsideration. Unya pwede pa mo o ang atbang mosaka sa Supreme Court. Again, di ka kapugong sa pikas nga mosaka sa Supreme Court kay ila pod na katungod.

Human ma-final and executory ang decision, mo-file og motion for a writ of execution didto sa Labor Arbiter ang imong abogado. Ang sheriff na sa Labor Arbiter ang mangita og kabtangan sa atbang aron ma-satisfy ang judgment award. Modagan kinig pila ka bulan nga proseso.

Sabta lang palihog ang proseso sa atong mga balaod. Tinuod nga pinahimutang gayod kini ug mao nga morag hinay para sa mga wala maanad niini. Mao kiniy hinungdan nga kon pwede lang gyod ma-settle sa dili pa makaso, mas maayong i-settle.

Hinaot nakatabang kini kanimo.

– Atty. Vince

***

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.