Brigada Balaod

Gilili, naka-post sa Facebook sa kasuko

Dear Brigada Balaod,

Ako diay si Geraldine. Dugay na kog nagpalitan sa Brigada Newspaper ug nalipay ko nga mibalik na mo og patik human mi-temporarily shutdown tungod sa COVID.

Niadtong miaging semana, Attorney, gilili mi sa among silingan ug gani morag nagdula-dula gyod siya sa iyang kinatawo samtang nagtan-aw namo sa ako partner nga naghilawas. Kini man gong ako partner gusto gyog lights on mi samtang mag-sex. Nakabantay mi sa pagpanglili ug mao tong gigukod sa akong partner human siya nakasul-ob sa iyang shorts. Apan wala na gyod niya maabti. Hinuon nailhan niya og kinsa.

Sa akong kapungot mi-post ko sa Facebook ug ako siyang ginganlan. Miingon ra god ko nga pasulabihan lang ang kamanyak nganong manlili gyod ug magdula pa gyod sa iya kinatawo. Naunsa bang ako na man hinuoy gipatawag sa barangay. Unsa may buhaton nako ani Attorney?

Salamat.

***

Dear Geraldine,

Kining imong sitwasyon classic case ni sa giingong “do not take the law into your own hands.” Bisan pa kon tinuod nga gilili mo, ang angay unta nimong gibuhat mao ang pagreklamo pinaagi sa tarong nga procedure. Ang pagpanglili mahimong Unjust Vexation, busa moagi kini sa barangay.

Anyway, sulayi kinig hilot sa barangay kay mas dako kag problema nga atubangon kon isaka kinis piskaliya. (Parenthentically, dili moagi sa barangay ang Cyber Libel, apan tungod kay ang reklamante may unang miadto sa barangay, ayaw na lang ni i-raise nga issue.)

Kon dili mo ma-settle, ang imong depensa mao lamang gayod nga duna kay good intention ug justifiable motive sa pagpublikar nimo sa maong defamatory post. Dili ka ka-claim sa depensa nga proof of the truth kay ubos sa Article 361 sa Revised Penal Code, dili pwede ang proof of truth of an imputation not constituting a crime. Samtang ang pagpanglili krimen (kay Unjust Vexation), ang pagkamanyak dili.

Hinaot nakat-on ka niining maong hitabo. Bisan pa kon ikawy nabiktima, mas maayo nga sundon lang gyod ang procedure nga gilatid sa atong balaod sa pagreklamo batok sa laing tawo.

– Atty. Vince

***

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.