Brigada Balaod

Kasong tigbakay sa kapitan gi-dismiss sa MTC

Dear Brigada Balaod,

Tawga lang ko sa ngalan nga Jerome. Konsehal ko sa usa sa mga barangay sa usa sa mga lungsod dinhi sa Cebu. Ang akong pangutana, Atty., kabahin niining among kapitan. Permi man god ni siyang magpadula og tigbakay. Mao tong ka usa, nadakpan na gyod siya. Napasaka ang kaso didto sa korte apan gi-dismiss sa Municipal Trial Court nga wala lang gani hearing. Duda nako gigawngan sa among Mayor ang huwes. Unsay angay nakong buhaton ani, Atty.?

**

Dear Jerome,

Sumala sa imohang mensahe, ang inyong kapitan sa barangay ang nadakpan. Unya tigbakay ang kaso niya. Ubos sa Presidential Decree No. 1602, kon ang akusado usa ka government official, ang silot kay prision mayor in its medium period with temporary absolute disqualification or a fine of six thousand pesos. Tungod kay ang kapitan usa man ka government official, ang maong silot ang ipahamtang kun mapamatud-an siyang sad-an.

Ubos sa Judiciary Act, ang jurisdiction sa Municipal Trial Court sa criminal cases, kutob lamang sa prision correccional. Pinakataas na pagkabilanggo unom ka tuig. Tungod kay ang prision mayor medium labaw man (8 ka tuig ug usa ka adlaw hangtod 10 ka tuig), sa ato pa walay jurisdiction ang MTC. Mao tingali ni ang gipasabot nimo nga gi-dismiss nga wala’y hearing.

Basin sa pag-arraignment, diin basahan ang akusado sa sumbong, nasuta dayon sa huwes nga wala siyay jurisdiction busa gi-dismiss ang kaso gikan sa iyang korte. Apan wala ni nagpasabot nga wala na ang kaso. Mabalhin lang kini sa Regional Trial Court sa inyong lugar.

Hinoon, kon nagduda gyod ka nga dunay gihimong pagpanghilabot ang inyong Mayor, mahimo kang mopasaka ug sumbong sa Ombudsman.

Hinaot nakatabang kini kanimo.

– Atty. Vince

***

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.