Brigada Balaod

SSS benefits sa asawa kuno

Dear Atty. V,

Naa unta koy pangutana kabahin sa SSS benefits sa akong nakapuyo. Kini siya sa wala pa sila maminyo atong iyang naasawa, ang iyang inahan ug ang iyang manghod ang iyang beneficiary sa SSS. Unya naminyo ni siya unya pila ka tuig nawala siya diris amoa. Dayon nagkabulag sila sa iyang asawa ug mibalik siya diris amo ug mao na to nga nagkarelasyon mi. Pagkamatay niya, kami sa iyang inahan ang nagpalubong. Apan pag-adto nako sa SSS, ang iya man diay asawa ang ila ilhon nga beneficiary niya. Pagka-unfair god ani Attorney, nga taudtaod na man silang wala magpuyo ug nga gali sa pagkasakit niya, ako pa may nakagasto pagpa-ospital niya. Unsay angay nakong buhaton? Tawga lang ko nga Ms. S.

*****

Dear Ms. S,

Unfortunately, mao gyod kana ang balaod. Ang primary beneficiary sa usa ka miyembro sa Social Security System (SSS) ang legitimate dependent spouse hangtod magminyo siya, ug ang dependent nga mga anak hangtod mag 21 anyos sila.

Kon di kasado ang miyembro ug walay anak, ang mga benepisyo adto padulong sa dependent parents, nga giila nga secondary beneficiaries.

Kon walay primary ug secondary beneficiaries, anha pa mosulod ang kon kinsay ginganlan sa SSS member diha sa iyang records sa SSS.

Sa ato pa, tungod kay kasado man siya pagkamatay niya, ang iyang asawa ang iyang primary beneficiary. Wala pod nimo mahisgoti nga may anak sila.

Tinuod gyod nga unfair kini, kay ikaw may migasto sa iyang pagkasakit. Apan mao man kini ang balaod.

Ang akong isugyot, modangop ka gayod og abogado aron matino ang tiunay nga sitwasyon ninyo. Kay basin og dunay legal basis nga maka-recover ka sa nagasto nimo sa panahon nga na-ospital ang namatay.

Hinaot nga nakatabang kini kanimo.

-Atty. Vince

*****

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.