Brigada Balaod

Gikiha tungod sa fish pond

Dear Brigada Balaod,

Ako si Romero. Presidente sa usa ka fishermen’s association. Aron makatabang sa among mga membro niadtong pagsugod sa COVID, midawat mi sa gamayng hinabang sa usa ka pribadong organisasyon. Amo gipamalit og fingerlings ang kwarta ug naghimo kami og fish cages sa fish pond nga ang tax declaration iya sa barangay. Karon kay gikiha ko sa usa sa mga residente sa barangay didto sa kapitan kay illegal kuno ang pagbutang namo og fish cages sa fish pond. Unsay angay nakong buhaton Attorney?

***

Dear Romero,

Kon wala kamo magkuha og lisensya gikan sa Bureau of Fisheries and Aquatic Resources (BFAR) sa wala pa kamo mag-set up sa inyong fish cages, violation gayod ang inyong gibuhat. Kini gitawag nga Engaging in Unauthorized Fishing Activities, nga ubos sa Section 87 sa Philippine Fisheries Code (Republic Act No. 8550 as amended by R.A. No. 10654) may silot nga unom ka bulan nga pagkabilanggo, doble sa administrative fine, ang pagtangtang sa mga fish cages, ug ang rehabilitation sa area. Tungod kay ang administrative fine di man moubos sa P500,000.00, dili na kini covered sa Katarungang Pambarangay Law ug walay gahom ang barangay nga mohusay sa inyoha.

Dili pod proper party ang mireklamo kay di man kaha diay na iya yuta.

Hinuon mas mosugyot gihapon ko nga maghusay kamo sa barangay aron magkasabot nga dili na lang padak-on ang maong isyu.

Coordinate kamo sa BFAR alang sa inyong fish cages. Basin pa gali og naa kamoy makuhang hinabang gikan kanila. Basta ang importante, pananghid kanila sa dili pa magbutang og fish cages.

Hinaot nakatabang kini kanimo.

– Atty. Vince

***

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.