Brigada Balaod

Lain apelyido gigamit pagkasal

Dear Brigada Balaod,

Maayong adlaw nimo Atty. Ako diay si Maria. Ang ako pangutana, legal ba ang kasal namo sa ako bana nga dili man diay mao ang iyang apelyido ang among napa-egister sa amo marriage contract?

***

Dear Maria,

Ang marriage contract o certificate of marriage prima facie proof lamang sa mga nasulat niini. Sa ato pa, abi kay may marriage contract, wala magpasabot nga balido ang kasal. Sa samang paagi, bisan kon walay marriage contract, mahimong balido ang usa ka kasal. Hinuon best evidence lamang gayod nga dunay nahitabo nga kaminyoon nga dunay marriage contract.

Sa ato pa, assuming nga walay laing kakulian ang inyong kaminyoon gawas lamang nga sayop ang apelyido nimo, niya, o ninyong duha, balido ug legal ang inyong kasal. Kon magminyo ka o siya og lain nga wala pa gideklara sa korte ang inyong kasal isip way bili, mahitabo ang krimen sa bigamy.

Ang labing maayo mong buhaton mao ang pag-adto sa Local Civil Registrar sa lungsod o dakbayan diin nahitabo ang inyong kasal ug ipangutana kon masulod ba sa Clerical Error Law ang pagpausab sa sayop sa inyong marriage contract. Kon dili kini masulod sa Clerical Error Law, kinahanglan ka moduol og abogado aron maka-file og petisyon pag-rectify sa inyong marriage contract.

Hinaot nakatabang kini kanimo.

– Atty. Vince

***

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.