Brigada Balaod

Gi-require pagpatuob

Dear Brigada Balaod,

Tawga lang ko sa ngalang Bridgette. Nagtrabaho kos usa ka negosyo nga bag-o lang mibalik og operate human nag-general community quarantine na. Ang among manager, Attorney, mipagawas og memorandum nga aron kuno makalikay mi sa COVID-19, dapat magtuob mi at least once a day didto sa clinic sa building o sa office ba kaha sa HR. Wa gyod ko kauyon ani kay para nako way scientific basis ning tuob-tuob. Giisyuhan na man hinuon kog memo gipangayoan kog explanation nganong di ko i-formally charge for insubordination. Ang akong pangutana Attorney, mahimo diay ni nila? Di ba ko pwede makakiha og Illegal Practice of Medicine batok sa among manager?

– Bridgette

***

Dear Bridgette,

Ang pagdisiplina sa usa ka trabahante usa ka management prerogative. Apan gikinahanglan dunay reasonable connection sa trabaho ang pagdisiplina kanimo. Sa imong sitwasyon, walay reasonable connection nga kasohan kag insubordination sa di nimo pagtuob, kay bisan pa kon dunay katungod ang imong employer nga mopakanaog og regulations alang sa inyong kapiskay sa panglawas, wala sa mga rekomendasyon sa World Health Organization (WHO) ug Department of Health (DOH) ang pagtuob aron paglikay sa COVID-19.

I-explain lang ang imong side, apan kon mopakanaog gyod silag disciplinary action batok nimo tungod sa wa nimo pagtuob, mahimo nimong ipa-review ang ilang lihok pinaagi sa pagpasaka og kaso sa Regional Arbitration Branch.

Sa imong pangutana kabahin sa Illegal Practice of Medicine, ang Section 10(b) sa Republic Act No. 2382, as amended by R.A. No. 4224 nagkanayon, “A person shall be considered as engaged in the practice of medicine xxx (b) who shall by means of signs, cards, advertisements, written or printed matter, or through the radio, television or any other means of communication, either offer or undertake by any means or method to diagnose, treat, operate or prescribe any remedy for any human disease, injury, deformity, physical, mental or psychical condition; xxx”

Sa ato pa, kon miingon gayod sa memo nga magtuob kamo aron dili magka-COVID, basin Illegal Practice of Medicine na gyod ni. Ang silot niini P1,000 ngadto sa P10,000 ug pagkabilanggo nga usa ngadto sa lima ka tuig.

Hinaot nakatabang kini kanimo.

– Atty. Vince

***

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.