Brigada Balaod

Gitangtang sa trabaho

Dear Brigada Balaod,

Ako si Khen, usa ko ka pintor unya ila ko gi-potbol sa trabaho. Wala koy benepisyo sulod sa lima ka tuig isip pintor. Dos mil ray ila gibayad nako. Pls. advice unsay angay nakong buhaton sa akong employer. ECQ wa mi gikaon. Unfair kaayo wala koy sala unya ang kauban nako trabaho pa sila. Pwede ba ko moadto ani sa PAO? Salamat. Nagtago lang ko sa akong tinuod nga name. Please tambagi ko.

***

Dear Khen,

Ubos sa atong balaod, ang usa ka regular nga empleyado sama kanimo nga lima na ka tuig nga pintor duna nay security of tenure ug busa matangtang lamang kon dunay just or authorized causes. Sa imong sugilon, tataw nga walay igong basehan ang pagtangtang kanimo. Sa ato pa illegal termination kini ug may katungod ka ibalik sa trabaho ug ingon man bayran sa imo untang sweldohon kon wa pa ka tangtanga sa trabaho (backwages).

Ang imong reklamo angay dalhon nimo sa Regional Arbitration Branch (RAB) sa National Labor Relations Commission, kang kinsang office naa duol sa Red Cross building sa Jones Avenue ning Dakbayan sa Sugbo. Hinuon sirado pa sila karon tungod sa ECQ.

Mahimo kaayo ikaw nga moduol sa Public Attorney’s Office aron matabangan.

Kabahin sa mga benepisyo, ang sa Social Security System (SSS), Pag-IBIG, ug PhilHealth adto nimo ireklamo sa maong mga buhatan.

Hinaot nakatabang kini kanimo.

– Atty. Vince

***

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.