Brigada Balaod

Nangawat og manok

Dear Brigada Balaod,

Tawga lang ko sa ngalang Roger. Tungod sa kalisod karong panahona, ug tungod pod sa kahubog dalit sa binagre nga tuba, natental ko sa pagkamang sa manok sa among silingan. Apan pagkaugma dihang nakamata ko, naka-realize kos ako sayop ug ako ra pong iuli unta ang manok. Apan nakatawag na silag pulis ug karon nag-atubang na kog kaso sa korte. Ang akong pangutana, Attorney, mapadayon pa diay ang kaso sa korte nga ako na mang nauli ang manok sa ila ug gani ila na mang gitinibuok? Salamat kaayo.

***

Dear Roger,

Unfortunately, na-consummate gyod nimo ang krimen sa pagpangawat kun Theft. Sa dihang nadala nimo ang manok sa inyoha, duna nay kompletong gahom nga modispatsar ini. Duna na kay gitawag og animus possedinde. Kompleto na ang krimen.

Hinuon, kining Theft pwede ni ma-settle nga kaso. Hangyoa lang ang inyong silingan nga mobayad na lang ka aron dili ipadayon ang kaso. Anyway, sa akong tan-aw, maglisod og probar ang imong silingan nga dunay corpus delicti (body of the crime) kay naluto na man ug presumably nakaon na ang manok.

Hinaot nakatabang kini kanimo.

– Atty. Vince

***

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.