Brigada Balaod

Gisinghagan ang anak

Dear Atty. V,

Ang akong anak nagdula-dula kuyog ang ubang mga bata. Samtang nagdula, nag-video ang akong anak. Accidentally, naapil sa video ang hubog sa likod ug ang iyang babaye nga kasikit-sikit. Mibarog ang hubog ug gisinghagan ang akong anak nga kon dili niya i-delete ang video, naay mahitabo sa iya (akong anak). Gihimo ni niya samtang nagkupot siya sa kamot sa akong anak.

Miadto mi sa pulis apan dili mo-blotter ang pulis kay dapat daw iagi og barangay. Di sad sila modakop kay moagi gyod daw sa barangay ang tanan.

Pag-adto namo sa barangay, gipasa pod mi sa DSWD kay child abuse kuno ang nahitabo.

Naglibog gyod mi, Atty. ug unsay angay buhaton.

– Princess

*****

Dear Princess,

Una sa tanan, sayop sa pulis nga mo-refuse pag-blotter sa maong panghitabo. Kini tungod sa ilang kalibog sa pag-blotter ug sa pag-andam sa reklamo. Tinuod hinuon nga may mga kaso nga dili mapasaka ngadto sa piskal kon dili usa moagi sa barangay.

Kon ang nahitabo sa imong anak child abuse, kini dili moagi og barangay. Kon kini dili child abuse, obligado kamong mokuha og Certificate to File Action gikan sa barangay. Ang makatino kon child abuse ba kadto o dili mao ang child psychologist sa Vicente Sotto. Kon makita sa psychological evaluation nga dunay psychological injury ang imong anak tungod sa nahitabo, kini child abuse. Apan kon wala, threats lamang kadto.

Ang akong sugyot, pagpa-assist kamo sa DSWD sa inyong lungsod aron ma-refer sa Vicente Sotto. Pinaagi sa psychological report, masuta ninyo kon mobalik ba kamo sa barangay, o modiretso kamo sa pulis pagpa-assist. May mga organisasyon usab sama sa Children’s Legal Bureau sa luyo sa Iglesia ni Kristo sa Mango Ave. sa Dakbayan sa Sugbo nga mahimong makatabang kaninyo pagpasaka sa kaso ngadto sa piskaliya kon kini child abuse.

Hinaot nakatabang kini.

— Atty. V

*****

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.