Brigada Balaod

Pabayron sa tanang abangan

Dear Atty. V,

Tawga lang ko sa ngalang Mel. Ania ako karon sa Dakbayan sa Sugbo nagpuyo, apan nag-abang lang kami og balay sa akong partner. Sa call center ko nagtrabaho samtang ang akong partner nagtrabaho usab sa usa ka pribadong buhatan sa una apan nanirado na sila tungod sa COVID.

Ang akong problema, Attorney, kabahin aning among bayranan sa gamayng lawak nga among gipuy-an. Nakadungog man god ko sa radyo nga nagpagawas kuno ang kagamhanan og balaod nga dili lang usa pangolektahan sa abangan ang mga nag-abang samtang ania pa kining COVID. Lagi kay natangtang man sa trabaho ang akong partner, ug gikinahanglan namo ang extra nga kwarta, wala ko mobayad pagka Abril ug Mayo. Nanawag kanako ang landlady nga dili daw mi covered sa maong balaod ug maong kinahanglan gyod ko mobayad. Human ko wala kabayad niadtong Hunyo 5, gipatawag na ko niya sa barangay ug karon naghusay mis barangay.

Mapugos ba ko niya pagbayad diha-diha sa mga bayranan nako nga abangan Attorney?

– Mel

*****

Dear Mel,

Pinaagi sa Republic Act No. 11469 nga gitawag usab nga Bayanihan to Heal as One Act, gitagaan og gahom ang Presidente nga magbutang og moratorium sa pagkolekta sa mga abangan sa mga residential ug commercial leases. Niadtong Mayo 20, 2020, ang Inter-Agency Task Force for the Management of Emerging Infectious Diseases mihatag og otoridad sa Department of Trade and Industry (DTI) nga mohatag og grace period sa mga residential lease sama sa imong sitwasyon. Tuod man, niadtong Hunyo 2, 2020, mipagawas ang DTI sa Memorandum Circular No. 20-29, nga naghatag og guidelines sa pag-implementar sa grace period.

Unfortunately, dili mo maka-enjoy sa 30-day grace period sa maong kamandoan. Kini tungod kay ang maong memorandum circular nagkanayon nga ang 30-day grace period magsugod gikan sa paglibkas sa community quarantine o di ba kaha sa pagbalik sa trabaho, kon asa man ang nag-una. Tungod kay wala man ka natangtang sa trabaho, dili gyod mosugod ang grace period sa imo. Kini bisan kon ang imong partner natangtang sa trabaho. Ang memorandum circular tataw nga kadto lamang nawad-an sa ilang pangita ang mahimong makapangayo sa grace period.

Tungod kay wala may grace period alang kanimo, obligado ka nga mobayad karon dayon sa unsa mang kulang nimo nga bayranan. Dakong tabang unta kadto kon covered ka pa, kay ang imong bayranan mahimo nimong bayaran sulod sa unom ka bulan human ang 30 ka adlawa nga grace period.

Hinaot nakatabang kini kanimo.

– Atty. V

*****

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.

Leave a Reply

Your email address will not be published.

This site uses Akismet to reduce spam. Learn how your comment data is processed.