Brigada Balaod

Dugang pangutana sa COVID

Dear Brigada Balaod,

Mangutana lang unta ko kaming nagtrabaho aning mga lotto outlet maka-avail ba mi aning ilahang gpanghatag nga assistance? Asa man pod makareklamo bahin aning mga trabahante nga dili makapa-advance ang ilang mga amo. Ingon ra man nga mohatag lang og lima ka kilong bugas walay C.A.? – George

**

Dear George,

Apil ang tanang trabahante sa mga pribadong patigayon sumala sa Department of Labor and Employment (DOLE) Department Order (DO) No. 209 ug Labor Advisories No. 9, 11 ug 12. Sa ato pa covered pod kamong mga nagtrabaho og lotto outlets, labi na nga nasirado gyod mo karon kay wala na may draw.

Kon ang ubang assistance ang imo gipasabot og dili ang PHP 5,000.00 gikan sa DOLE, tan-awa ang rules nga gipagawas sa inyong local government.

Kabahin sa imong ikaduhang pangutana, walay legal obligation ang usa ka employer nga mopa-cash advance sa iyang mga trabahante. Bisan ang giingong ipa-release na ang 13th month pay, hangyo lang sa gobyerno kay wala magpagawas og balaod nga nagpugos sa mga employer. Sa inyong sitwasyon, maayo na lang gali nga mihatag sila og lima ka kilong bugas.

Hinaot nakatabang kini kanimo.

– Atty. Vince

***

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.