Brigada Balaod

SSS calamity loan; gipa-triple day off

Dear Atty. V,

Maka-avail ba mi sa SSS calamity loan karong naka-state of calamity ang tibuok nasod? Usa pa, kaming mga regular employee sa pribadong kompaniya, naa man mi 15 ka adlaw nga paid leave, pwede ba na maoy ipagamit sa amo karon? Kay gipa-triple day off na man god mi nila karon. Salamat daan Sir. Si Jerome ni.

****

Dear Jerome,

Sakto ka nga maka-apply na og calamity loan gikan sa Social Security System (SSS) ang iyang mga miyembro human nga gideklara nga under state of calamity ang tibuok nasod. Hinuon, gikinahanglan nga nakabayad na ka og 36 ka bulan nga premium, o di ba kaha mao pay pagtuig isip miyembro sa SSS ug nakabayad na og unom ka bulan nga premium.

Kabahin sa 15 days nga paid leave ninyo, depende na sa inyong kompaniya kon kana bay ipagamit. Walay balaod o regulasyon nga gipagawas ang Department of Labor and Employment (DOLE) nga nagpugos sa mga employer nga ang mga paid leave ang ipagamit. (Kwestyonable pod kon may ingong gahom ba ang DOLE.)

Kay gipa-triple day off man mo matag semana, maka-avail mo sa PHP 5,000.00 nga hinabang gikan sa DOLE ubos sa Department Order (DO) No. 209 ug Labor Advisory No. 9, 11 ug 12. Ingna ang inyong amo nga i-comply ang reporting requirement ubos sa maong mga regulasyon, aron makadawat mo sa tag PHP 5,000.00.

Hinaot nakatabang kini kaninyo.

– Atty. V

****

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.