Brigada Balaod

Dugang pangutana sa COVID

Dear Atty. V,

Mangutana lang unta mi kabahin sa mga staff member nga dili na motrabaho kay nahadlok aning COVID-19, unya walking distance ra sa opisina ang ilang balay. Makapugos ba mi sa pagpatrabaho kanila? Nagkinahanglan ba sila mo-file og formal leave o okay ra ang text lang? How about sa temporary closure, maka-file ba mi bisag lima ra ang affected employees? Daghan kaayong salamat. – Pinkie

****

Dear Pinkie,

Wala nimo gihisgotan unsa nga klase sa workplace ang inyong trabahoan, ug asa mo nahimutang. Akong i-assume nga naa mo sa probinsya sa Sugbo, ug nga wala malakip sa gipa-shutdown ni Gob. Gwen Garcia ang inyong line of business. Sa ato pa, padayon ang inyong operasyon, apan mag-observe lang mo og social o physical distancing. Ning maong sitwasyon, sa akong opinyon, walay legal basis ang inyong trabahante nga moingon nga dili sila motrabaho.

Sa atong pagdawat og trabaho gikan sa employer, atong gibaligya ang atong oras kaniya, ug mapugos kita pagpatrabaho sa atong gidawat nga trabaho.

Ang bugtong balaod nga magamit unta sa trabahante mao ang Republic Act No. 11058, ang Occupational Safety and Health Standards Act, nga naghatag katungod sa empleyado nga dili mosulod sa trabaho kon dunay imminent danger situation, sumala sa determinasyon sa Department of Labor and Employment (DOLE). But as far as I know, wala mopagawas og kamandoan ang (DOLE) nga nag-exempt niadtong buot dili mosulod sa trabaho tungod sa kahadlok nga mataptan sa COVID-19.

Hinuon, from a humanitarian point of view, mas maayo tingali nga tagaan ninyog dako-dako nga leeway ang inyong mga trabante karon. Gani, mas maayo nga pasagdan lang ninyong mo-take og leave of absence pinaagi sa text. Kay kon mataptan silag COVID-19, simbako lang, bisag dili pa diha sa inyong trabahoan, public relations (PR) disaster gihapon kana alang sa inyong kompaniya.

Kabahin sa temporary closure, pwede bisag usa ra gali ka empleyado ang apektado. I-comply lang ang requirements sa D.O. No. 209.

– Atty. V

****

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.