Brigada Balaod

Apektado sa COVID-19

Dear Atty. V,

A great day! Tonnes of questions in my head. I am working in a prestigious language school and we’re temporarily closing operations due to this COVID-19. Feel namo walay malasakit sa amoa ang tag-iya sa school. Kini ang akong mga pangutana: (1) Sa tunga-tunga sa Marso, mideklara sila og temporary closure ug miingon sila nga no work no pay daw. Sakto ba ni? (2) Kabahin sa pag-release og sayo sa 13th month pay, miingon sila nga mo-release sila pero inigbalik na kuno sa operation basin inig Hulyo. Justifiable ba ni? (3) Deductionan pa nila ang among kita for 3 days karong 30th sa Marso, tarong ba ni? Daghan kaayong salamat.

– Jerome

****

Dear Jerome,

Ang general rule sa atong jurisdiction, no work no pay. Sa ato pa, gawas na lamang kon lakip sa inyong kontrata nga mobayad sila bisag wala moy trabaho, sakto ang ilang stance nga kon wala moy trabaho, wala moy sweldo.

Kabahin sa pag-release sa 13th month pay mas sayo pa sa Disyembre 24, bisan kon dunay kamandoan niini ang kagamhanan, kay wala man magpalabang og balaod ang atong Kongreso nga magmando sa mga employer pag-release sa 13th month pay karong panahona, ang gipagawas karon sa kagamhanan igo ra gyong hangyo. Sa ato pa, may katungod ang employer nga sa Hulyo pa sila mohatag sa 13th month pay.

Kabahin usab sa deduction, bisan kon gi-extend ang filing sa Income Tax Return (ITR) ngadto sa Mayo 15, ug gi-suspend ang collection sa loan payments sa Pag-IBIG, as far as I know, wala gi-suspend ang collection sa premium sa Social Security System, Pag-IBIG, ug PhilHealth. Busa, obligado pa ang mga employer nga mokolekta sa premium sa maong mga ahensya, ug ingon man sa monthly income tax.

Hinaot nakatabang kini kaninyo.

– Atty. V

****

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.