Brigada Balaod

Pangutana bahin sa CAMP

Dear Atty. V,

Naa lang unta koy pangutana ba. Nagtrabaho ko sa usa ka call center, unya tungod aning COVID-19, nanangtang sila og trabahante. Probationary pa ko. Gipabawnan lang mi og tag usa ka libo ka pesos. Nakabasa man ko nga dunay PHP 5,000.00 nga ihatag ang DOLE sa mga apektadong trabahante, akong gihangyo ang among manager nga iapil ang among ngalan sa mga probationary employee sa lista nga ila gisumiter ngadto sa DOLE. Apan miingon siya nga wala kuno miy labot ug mga regular employee ra kuno ang apil sa maong assistance. Unsa ba gyoy sakto niini Attorney?

Daghan kaayong salamat.

– Sunshine

****

Dear Sunshine,

Ang legal basis sa PHP 5,000.00 one-time financial assistance naa sa Section 1, Article III sa Department of Labor and Employment (DOLE) Department Order (DO) No. 209, s. 2020. Matod pa sa last sentence sa maong seksyon: “A one-time financial assistance equivalent to Php 5,000.00 shall be provided to affected workers in lump-sum, non-conditional, regardless of employment status.”

Sa ato pa, bisan kon probationary pa mo, lakip mo sa maong assistance. Mao man nay naa sa balaod.

Naglibog ko anang inyong employer, kay wala may bisag usa ka dako nga makuha gikan sa ilang panudlanan alang ning maong assistance. Ang bugtong kahago nila mao lamang ang pag-accomplish sa List of Affected Workers Due to COVID-19 nga form nga na-attached sa Labor Advisory No. 9.

Ang akong sugyot, pag-print out og kopya ning maong mosunod nga dokumento: DO Order No. 209, Labor Advisory No. 9, 11, ug 12. Unya ipakita nis inyong manager. Ilakip na lang pod ang clipping ning atong column. Kon magmagahi lang gihapon sila sa paglakip sa inyong ngalan, mahimo kamong moreklamo sa DOLE.

Hinaot nga nakatabang kini kaninyo.

– Atty. V

***

Daghang salamat ni Ms. Luchel Taniza sa DOLE Regional Office 7 sa pag-clarify sa rules regarding sa COVID-19.

I-text ang inyong mga pangutana sa 0916-664-7624. Ang mga text nga gisulat ginamit ang saktong spelling prayoridad nga tubagon dinhi sa atong lindog.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.